^

Facemasks maoy pinaskohan

BALITAHOM - Atty. Jose Marie N. Poblete (Banat) - December 13, 2020 - 12:00am

Adunay sugyot si Health Secretary Francisco Duque nga inay mga naandan nga mga gasa, mas maayo nga mga face shields ug facemasks na lang ang ipanghatag karon panahon sa Pasko aron makatabang pagsumpô sa pagkuyanap sa coronavirus. Kataw-anan ang maong sugyot kay daw gipasa man sa gobyerno ang ilang katungdanan ngadto sa katawhan. Wala mosugyot si Sec. Duque nga manghatag ang katawhan og mansanas. Tingale nahadlok siya sa panultihon nga, “Ang pagkaon matag adlaw sa mansanas, sa mga doktor makapa-layas”.  Hala no!

Pagpili: COVID o dimalas

Gitataw sa DOH nga wala nila idili ang mga torotot ug sirbato karong Pasko, kon dili, wala lang nila dasiga ang paggamit sa maong mga gadgets tungod kay makatabang kini sa pagkuyanap sa coronavirus.  Segun sa atong pagtuo, ang paggamit sa torotot ug sirbato pagsugat sa Bag-ong Tuig usa ka pamaagi pag-abog sa mga dautan’g espiritu ug mga malas nga awra sa atong panimalay aron sa sunod tuig masinati nato ang kaharuhay. Bisan unsa na lang nga lingla ug panghadlok ang gipasundayag sa kagamhanan. Sa gamay’ng kalipay sa katawhan, ila pa gayod nga hikawan.  Na hala, pili na: COVID-on ka o dimalason?

Buhat ang pasultihon

Matud pa ni NTC Commissioner Edgardo Cabarios, adunay nabatyagan nga pag-usbaw sa internet speed sa miagi’ng bulan sa Nobyembre human sa panawagan ni Presidente Duterte sa mga service providers sa pagpa-uswag sa ilang serbisyo. Bisan ni’ng pagpangandak sa NTC, nagbansiwag ang kamatuoran nga nangiwit gihapon ang Pilipinas sa ubang nasud kon internet speed ang hisgutan.  Buhat lang gyud unta ang pasultihon.  Haum sa NTC ang pagya nga nagkanayon, “Kon makasulti pa ang kagabhion sa buwan sa Hunyo, hayan manghambog kini nga siya maoy naka-imbento sa “Karinyo”.  Madahaan!

Bangkrap apan adunay SAP

Segun sa panglantaw sa Fitch Ratings, usa ka inila’ng “credit rating agency” sa Amerika, daghan nga mga kompaniya sa abyon ang mabangkaruta sa tuig 2021 labi na gayud kadtong mga gagmay nga mga “airline carriers”.  Ni’ng pagsalga sa COVID-19, aduna pa diay bentaha ang mga kabus batok sa mga datu.  Ang datu ma-bangkrap pa apan ang kabus, bangkrap na.  Hinuon, bisan ang kabus bangkrap, naa man gihapon sila’y ayuda nga SAP.  Bentaha pa!

QPass batok krimen?

Sa bag-ong Executive Order No. 111 nga gipagawas ni Mayor Edgar Labella, dili na kinahanglan ang Quarantine Pass sa pagtambong sa Misa de Gallo.  Tungod niini, gituohan sa CCPO nga mosaka unya usab ang gidaghanon sa krimen sa pagdagsang unya sa mga tawo.  Buot unta sa CCPO nga ipadayon ang paggamit sa Quarantine Pass.  Nagtuo tingale ang kapolisan nga, sama sa krus nga i-hadlok sa panuway, maislag ug mahadlok usab ang kawatan kon adunay QPass nga dala ang buot nila nga biktimahon?  Pagchure mo uy!

FACEMASK
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with