^

Senior citizens cash assistance

RENBOR PATROL - Rene U. Borromeo (Banat) - December 12, 2020 - 12:00am

Dili tanang senior citizens dinhi sa Dakbayan sa Sugbo nga makadawat karong adlawa sa ilang tag P4,000 nga cash assistance gikan sa kagamhanan sa siyudad.

Iklaro lang nako kini aron nga makasabot ang daghang senior citizens nga nagtuo gyud nga makadawat na sila karong adlawa sa dugay na nilang gipaabot nga cash assistance.

Karong adlawa maoy sugod sa pagpanghatag, ug ihatud gyud sa kabalayan sa mga senior citizens ang mga cash assistance. Busa, kay kapin man sa 84,000 ang tanang senior citizens dinhi sa siyudad, dili maato paghatud ang cash assistance sa usa lang ka adlaw.

Unya, ayaw mo kahibulong nga dunay mga senior citizens nga dili pa mahatagan sa inyong mga cash cards gikan sa Land Bank, kay 15,000 ra ka cash cards ang nahuman pag-imprinta.

Unsaon, dugay man kaayo mo nga nakahimo pag-upgrade sa inyong mga records, sama sa pagbag-o sa inyong mga hulagway pinaagi sa on-line diha sa Office of Senior Citizens Afffairs (OSCA).

Ayaw sab mo kahibulong nga kadtong mga senior citizens nga patay na, dili kumpleto nga P4,000 ang ihatag kanila. Kon kanus-a sila namatay, adto ra kutob ang paghatag kanila og cash assistance, ug ang “immediate beneficiary” sama sa asawa, kinahanglan nga mag-andam daan og photo copy sa death certificate sa namatay.

* * *

Salamat kaayo sa kadagkoan sa DPS-Streetlighting division, ilabi na ni Eddie Bulang, nga dali kaayong miayo sa punder nga suga diri sa among dapit.

Sila maoy gipadala ni DPS Head Atty. Jigo Dacua aron pag-ilis sa wa na magsiga nga suga diri sa among dapit. Kamong mga lumolupyo nga nakabantay nga punder ang suga sa inyong lugar, ipahibawo kana sa DPS. Ayaw na kamo paghuwat nga ang mga opisyal pa maoy mohimo niini kay daghang opisyal ang wa magtagad sa ilang katungdanan. Unsaon nga layo pa man ang eleksyon.

Giingnan man gud ko ni Mayor Edgar Labella nga kon dunay mga panginahanglan sa serbisyo, dili mataha sa pagkontak sa mga department sa City Hall nga angayang motagad aron pagsulbad sa maong problema.

* * *

Ugmang adlawa, Dominggo, ang regional director sa Land Transportation Office (LTO) nga si Victor Caindec ug ang iyang mga sakop, motungas sa bukid diha sa Trans-Central Highway.

Awhagon nako ang mga motorista nga ayaw mo kahadlok, tungas mo ug padagana ang inyong mga motor apil kadtong wa marehistro. Nasayod ko nga daghang motorsiklo nga nagdagan sa bukid wa na marehistro.

Kon moadto mo sa bukid ug dili mahadlok, malipay gyud mo. Ingna ko nga bakakon kon dili ba kamo mangalipay.

CASH ASSISTANCE SENIOR CITIZENS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with