Hilak sa bata

MGA LAMAS SA KINABUHI - Fr. Rey Cui (Banat) - December 5, 2020 - 12:00am

May gipadala nga video kanako ang akong higala kalabot sa usa ka modular class diin ang bata pwerteng ngaaba. Abi nako og nalisdan sa lesson niya, gikapoy diay tawon og suwat sa pangalan niya. Kining bataa nakahupot og tulo kga mga pangalan. Maayo unta kun sayon ra ang spelling, sus, pwerte man pud diay lisura. Mao ni hinungdan kun nganong ang maong bata pwerteng hilaka. Seguro ko nga angayang basolon ang mga ginikanan nga nihatag sa maong pangalan. Naghinobra ra pud ang ka arte niini nga nag-antos na hinuon ang bata. Ang bata ilang giulog-ulogan nga usbon ang ngalan niini ug kuyogan padulong sa City Hall aron mausab ang pangalan niini.

Balido baya gyud ang complain sa maong bata. Kini tungod kay ang maong complain nagasukad man sa praktikalidad. Mas dali ug sayon man tuod kun atong gamiton ang minugbo kaysa tinag-as labina gyud ning panahon sa pandemiya diin daghanan nato ang dili buot ma stock up ni ma control sa kabubut-on sa uban. Pastilan ning panahona lisud gyud ang pagtudlo ug pagkat-on.

Dili lalim ning kahimtang sa mga magtutudlo nato karong mga higayona. Tiaw mo na nga bisan gani ang pagdala sa modules dili man gyud lalim. Apan akong nakita nga ang mga magtutudlo naningkamot mahatag lang ang maayong lessons ngadto sa mga kabataan ug mag kabatan-onan. Ang uban gani nila wala namay klarong panudlay.

Apan subo lang palandungon nga dunay mga batan-on nga walay igong nahimo gawas ang pag-post og mga binuang kalabot sa module. Ang pagbaboy niini pinaagi sa dirty finger nga senyales nga gipunting ngadto sa mga modules. Ambot cool tingali ni sa pamati sa mga tonto. Apan alang kanako usa kini ka dakong  insulto kay dili lalim ang naagiang kahago sa atong mga magtutudlo.

Sa laing bahin, dunay batan-on nga pwerteng hilaka niya tungod kay lisud alang kaniya gayud ang online class pun-an pa nga wala gyud siyay salapi nga magamit  kun maghisgot na kita og load. Siya ang representation sa kinabag-an sa tanang kabataan karon.

Matag usa kanato nagkalisod mao nga dili gani maayo nga i-underestimate ang coronavirus kini tungod kay gamhanan man kini kaayo. Tinuod duna kitay pagtuo apan wala kini magpasabot nga ato lang pud ibalewala ang mando sa science ug medisina. Kinahanglang ato silang paminawon aron sa ingon dili mapildi ang atong kinabuhi tungod lamang sa pagkagahi sa atong mga ulo. Mao nga daghan ang nangamatay tungod sa pagpasagad. Mao nga matag usa kinahanglang magpakabana gyud unta.

Ning atong kalisdanan karon unta ang matag usa mohatag og igong pagpakabana sa mga kabataan ingon man sa mga magtutudlo. Ang walay pagpakabana maoy hinungdan kun nganong hangtud karon padayong hinay ang dagan sa atong paglambo. Kini tungod  kay ang atong gitan-aw ang atong kaugalingong comfort.

Ang mga magtutudlo overloaded na kaayo sa daghang mga problema, work-related man o personal. Sa laing bahin, ang mga batan-on gumikan ning bag-ong set up ang nahimong na pressure pag-ayo sa daghang mga problema. Apan dili kini excuse aron maghinanggaw batok sa effort sa uban labina gyud kun ang maong paghago dunay dakong kalambigitan sa imong kaugalingong kalampusan.

Batoni ang pagtahud kanila nga kanimo naghago. Batoni ang pasalamat kanila nga kanimo nagpakabana. Apan labaw sa tanan batoni ang pagpailob ning panahon sa dakong kalisdanan. Kay after all, ang Roma wala man himoa sulod sa usa lamang ka adlaw.

CITY HALL
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with