Kon natawo ikaw nga usa ka mag-uuma

SENIOR CITIZEN - Antolin dela Serna (Banat) - December 4, 2020 - 12:00am

Usa sa mga seminar nga akong natambongan, ang among facilitator nangutana: What if you were a farmer? Nagkalainlain ang mga tubag sa mga participants. Ug gi-summarize sa facilitator ang mga tubag, ug mao kini ang sumada:

Nga magbinuotan gayud, magkugi, ug magbiling lindog, magminatabangon, magmatinud-anon (honest) ug labaw sa tanan, magminatumanon sa kabubot-on sa Ginoo.

Nindot. Nangutana pag-usab ang facilitator: What if you were born a politician? Nihilom ang mga participants. Tapus sa usa ka gutlo, adunay usa nga mitubag: “Mao lang gihapon,” ug iyang kutlo ang tanan nga angay buhaton ug matngonan kon ikaw natawo nga usa ka mag-uuma. Alang niya, managsama kitang sa atong pagkahimugso, mag-uuma man, o ma-politician.

Ug iyang gihatagan og emphasize ang honesty, tungod kay matud niya, honesty is still the best policy.

So, sa atong pagkahimugso, managsama kitang tanan. Limpiyo kita, gawas sa napanunod o na-inherit nga sala nila ni Adan ug Eva.

By the way, wa baya kaayo masuko ang Ginoo nila ni Adan ug Eva. Kay ang Ginoo, sa akong hunahuna, wala mahadlok ug wala masakit sa sala, otherwise, dugay na unta nga iyang gikondenar ang kalibotan nga naduhig sa sala, ug dili naunta niya ipadala ang bugtong niyang ana paghugas kanato gikan sa kahugaw sa sala.

Ang gikasuk-an sa Ginoo (kon nasuko man), nga sa iyang pagpangita ni Adan, mitago si Adan ug mi-deny sa kasal-anan, wala managayo’g pasaylo ug iyang gipasa ngadto ni Eva, diin ang bitin mao usab ang gipasanginlan ni Eva.

So, akong usbon, limpiyo kitang tanan sa atong pagkahimugso. Kay alang nako walay natawo nga smuggler nang daan, o daan nang murderer, o estafador. Buotan kitang tanan inigktatawo nato, maoy hinungdan nga miingon nga unless you become childlike again, you cannot enter Heaven..

Childlike ha, dili childless.

So, gikan sa atong pagkatawo, hangtud sa atong pagkabata pa, buotan pa kitang tanan.

Ug kining atong pagkamakasasala ato na kining na-acquire gikan sa puno sa  tentasyon nga kalibotan.

Kahinumdom mo sa seven capital sins nga maoy atong gipilian unsa ang atong sagupon?

Mao ni ang nakahugaw sa malinis unta natong kalag: 1) Pride (morag duna ta niining tanan), 2) Greed (samot, daghan kaayo tang mga hakog), 3) Envy (Kining atong pagkamasilagon), 4) Lust 

(Kuyaw sad ni, lisud likayan, di ba?), 5) wrath (Kining atong pagka-masuk-anon ug pagka-dinumtanon), 6) Gluttony (pagbusdik sa tiyan gumikan sa ka-dawo), 7) Sloth (Kining atong pagkatapulan, indolence, idleness).

Mao ni ang kahugaw sa atong kalag.  Apan, gihatagan kita’g free will, kagawasan sa atong Magbubohat paghangop o pagsalikway niining mga kasangkapan sa Yawa.

Hinuon, usahay gud, mas nindot man gud ang pagpakasala kay sa pagsubay sa hagip-ot nga dalan sa Langit.

Immediate nga kalipay, bisan kon dali rang mahanaw ug mahukmay mao usahay ang atong giapas.’ Sa seven capital sins, ang atong paborito mao ang Pride, garbo, Greed, kahakog, ug  Envy, kasilag.

So, lisud kaayo ang pag-maintain sa atong ka-linis ug pagka-inosente sa atong pagkahimugso.

Kini tungod kay matud pa: Satan never sleeps, ug sangkap sa seven capital sins.

FARMER
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with