EDITORYAL - Abusadong kawani sa gobiyerno

EDITORYAL - Abusadong kawani sa gobiyerno

Ian B. Melecio (Banat) - December 3, 2020 - 12:00am

Samtang nagkapupos ang termino ni Pres. Rodrigo Duterte nagkataas usab ang lista sa mga opisyales sa gobiyerno nga iyang gipangtaktak sa serbisyo tungod sa mga nahimong anomalya sa ilang panerbisyo.

Moabot na og 60 ka tawo ang iyang gipangtaktak ug na-dismiss sa trabaho tungod korapsyon, pagpangilkil, graft, grave misconduct, serious dishonesty, conduct prejudicial to the best interest of the service and abuse of authority.

Ang mga gipangtaktak nagagikan sa nagkalainlaing ahensiya sa gobiyerno ug naglakip sa mga polis, sundalo, mga kawani sa CHED ug mga lokal nga opisyales apil mga mayor ug uban pa.

Wa hinuon mag-ingon kun apil na niini ang mga gipangreklamo tungod sa anomaliya sa distribusyon sa hinabang sa gobiyerno tungod sa pandemiya.

Apan samtang daghan na sila nga gipangtaktak, wala usab igdungog kun unsa nay nahitabo sa ilang mga kaso. Gitaktak lang ba sila nga walay silot nga gipahamtang? Nabawi ba sa gobiyerno ang kwartang ilang gibulsa o unsa.

Hinuon, maayo nalang kini sanglit naiban-ibanan ang mga abusado sa gobiyerno. Mga  kawani unta maoy moserbisyo sa katawhan apan nahimo naman hinuon silang berdugo sa mga tawo.

Si Interior Secretary Eduardo Año miingon sa report a Philstar.com nga  782 ka mga reklamo ang napasaka na batok sa 1,278 ka mga kawani ug opisyales sa gobiyerno may kalabotan sa SAP distribution. Kana bitaw nga sayod ang tawo nga mas gamhanan sila apan daw wa silay mahimo tungod kay kining abusadong ilang kaatubang mao may naa sa pwesto ug makatabang sab sa ilang gikinahanglan.

Apan sa pagkatinuod, kaning pagpitol sa mga kurakot ug abusadong mga kawani sa gobiyerno naa ra gyud sa mga kamot sa mga tawo. Kung pasagdan sila ug dili isumbong ang ilang mga hiwing binuhatan mosanay  sila ug mogara ang mga pag-abuso.

Mas mamahimong epektibo ug limpyo ang gobiyerno kun ang katawhan mobarog sab sa ilang katungod pinaagi sa pagreklamo aning mga hiwing opisyales o kawani nga nagtuong kublan sila tungod kay naa sa posisyon.

RODRIGO DUTERTE
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with