EDITORYAL - Kabataan taliwala ning pandemiya

EDITORYAL - Kabataan taliwala ning pandemiya

(Banat) - December 2, 2020 - 12:00am

Nagpanikad na og maayo ang mga kabataan nga makagawas ug makasuroy-suroy sama sa ilang naandan sa wala pa kining pandemiya. Apan tungod sa kahigpit nga gipatumang health protocols sa gobiyerno, nangatanggong sa balay sud sa dul-an siyam ka buwan ang mga menor de edad.

Nakasabot man ang publiko sa gipatumang paghigpit, butang nga napugos sab ang kabataan sa pagtuman. Hinuon, duna gihapoy mga wala motuman ilabi na kadtong ang mga ginikanan utro pud nga wala mosunod sa quarantine protocols diha sa ilang mga barangay.

Dili palang dugay sa dihang gitugtan na makagawas ang mga 15 anyos hangtud 65 anyos nga gihangop og maayo sa katawhan gumikan kay sa pagsunod sa pandemiya, tanang menor de edad hangtud 21 anyos ug 60 anyos pataas gidid-an nga makagawas.

Kadto lang mga essential workers, authorized person outside of residence, ug kadtong dunay mga importanteng tuyo sa gawas sama sa pagpalit og pagkaon, medisina, medical checkups ang gitugotan nga makagawas.

Tumong niini mamenus-menusan ang gidaghanon sa mga tawo sa mga publikong lugar diin dako kaayo ang tsansang magkatinakdanay sa Covid-19.

Tingali nakita sa gobiyerno ang kahimtang sa mga bata nga nangatanggong diha sa ilang mga balay hangtud karon ug daw mga kriminal nga magkawat-kawat og gawas aron lang makaduwa kauban sa mga silingang bata, karon gitugtan na silang makagawas.

Apan makagawas lang sila kung sa mga malls moadto ug kinahanglang kauban nila ang ilang mga ginikanan. Husto kini, tungod kay aron sab maibanan ang kalaay nga gibati karon sa mga kabataan.

Kalaay nga epekto sa pugsanong pagtanggong kanila sa balay nunot sa pandemiyang dili sila maoy hinungdan kondili sila pa hinuoy nabiktima.

Maayo sab nga sa malls ra mahimong makasuroy ang mga menor de edad sanglit kung ang mando ni Interior Secretary Eduardo Año makagawas na gyud ang mga bata bisan asa, dako ang purohang mosaka ang kaso sa Covid-19. Sa malls dunay gipatumang estriktong health protocols, samtang diha sa kabarangayan samtang tuod higpit ang kamandoan wala man kini gyud masunod sa uban. Maayo kini nga pinaskohan sa gobiyerno para sa kabataan, apan dili unta gihapon magkumpiyansa ug sundon gyud kanunay ang health protocols.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with