Ang kontrobersya sa panagtapok sa isla

LABTIK - Alan Domingo (Banat) - December 2, 2020 - 12:00am

Nahimong kontrobersyal ang gipahigayon nga mini Suroy-Suroy sa Sugbo niadtong nakalabayng semana didto sa mga lungsod sa isla sa Bantayan nga giulohan og SMB o Santa Fe, Madredijos ug Bantayan.

Kini human midagsa ang mga tawo sa isla nga mihangop usab sa kalihokan nga gitambongan sa mga opisyal sa gobierno sama ni Governor Gwen Garcia, Presidential Spokesperson Harry Roque ug OPAV Secretary Mike Dino ug ubang mga opisyal.

Usa kini ka pamaagi aron buhion ang nagpinal nga turismo sa probinsiya nga para nako angayan lang usab aron ipakita nga dili kita magdaug sa kahadlok niining nasinati nga pandemiya.

Miani og mga pagsaway ilabi na sa social media tungod kay wala kuno masunod ang health protocol kay naa may mass gathering.

Gani gipaubos na kini sa imbistigasyon karon sa Department of Interior and Local Government DILG.

Bukas sa pakisusi ang gobernador ug iyang atubangon ang bisan unsay sangpotanan sa imbestigasyon.

Pero, in fairness sa gobernador, wala man siya modasig sa mga tawo ug labaw na sa mga opisyal sa lungsod nga hakoton ang mga tawo aron mosugat kanila o motambong sa kalihokan.

Alangan man og iyang pang abugon ang mga tawo nga tua na sa dapit sa pag abot nila. Bisan og naay midagsa nga mga tawo nagtaod man usab sila og mga facemask. Hinuon paaboton lang nato ang resulta sa imbestigasyon ug ang sangpotanan ugaling dunay mahitabo nga COVID-19 transmission simbako lang humans a 14 days.

Ang usa sa mga isyu nga tubagon mao ang pagtambong sa mga tinun-an sa Madredijos nga naka uniporme pa. Nganong nahitabo man kadto nga wala pa man tugoti ang physical appearance sa mga bata hinungdan gani nga naay online ug modular aron magpundo sa balay.

Nagpahigayon na og fact finding ang Department of Education sa hitabo.

Wala gani kunoy pananghid kong kinsa ang naa sa likod sa pagpatunga sa mga tinon-an.

Basin na-pressure ang school administrator sa mga opisyal sa lungsod nga mi-request sa ilang pakig-alayon o ba kaha gusto lang sa mga nagdumala sa tunghaan o sa mga gikinanan nga moapil sila sa kalihokan.

Mo usa naman ka tuig nga nagpuyo kita sa kahadlok tungod sa COVID-19.

Siguro panahon na nga luagan nato ang atong panglantaw ug molingkawas na sa kahadlok ug himoon ang kabag-ohan basta masunod lang ang mga angayang himoon paglikay sa virus.

SUGBO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with