Ang angayan nga kahadlokan

MGA LAMAS SA KINABUHI - Fr. Rey Cui (Banat) - November 30, 2020 - 12:00am

Ang mga pagbasa karong mga higayona nakasentro man sa kataposan sa kalibotan. Ang mga katalagman ug uban pang mga kalisdanan. Sa tinuod lang hadlok baya gyud ni paminawon apan luyo ning maong mga makalilisang hitabo adunay nindot nga giandam ang Dios alang sa matag usa kanato. Unsa may angayan natong pagabuhaton? Kinahanglang atong puy-an ang tulo ka mga theological virtues ning atong panahon karon nga naglangkob sa Pagtuo, Paglaum ug Paghigugma.

Pagtuo. Ang pagtuo dili lang usa ka intellectual ascent sa bisan unsang matuod nga lisud tugkaron ginamit ang atong yano nga rason. Hinunoa ang pagtuo usa man ka dakong kalambigitan tali sa Dios ug kanatong mga tawo. Nituo kita tungod kay gihimo natong kabahin sa atong kinabuhi ang Dios.

Paglaum. Kun wala kini malisod alang nato ang panaw padulong sa kinabuhing dayon.

Kun mamahimong negatibo tanan natong panlantaw nan, malisod alang kanato ang pagtan-aw sa kalibotan sa iyang kaanindot ug sa iyang bili. Malisod alang kanato ang pagtan-aw sa kalibotan diha sa iyang kaanyag kun itandi sa kangil-ad sa mga panghitabo. Kun wala kitay paglaum malisud alang kanato ang pagpakabuhi.

Kun wala kitay paglaum, malisud alang nato ang paghimo og mga lakang aron makapadasig usab sa uban kay kita mismo nawad-an man sab og kadasig.

Paghigugma. Kining maong birtud maoy pinakamahinungdanon sa tanan. Kay kun wala ang paghigugma mamahimong kawang lamang ang tanan natong gipanghimo. Ang atong gipanghimo nga nawad-an og tinong sangpotanan mamahimong kabahin sa mga nalagas nga mga pangandoy dinuyogan sa paghamtong ug pagkabag-as sa atong planeta.

Ang angayan natong kahadlokan dili man ang katapusan kay bisan unsaon pa nato ang tanan dunay tinong paghunong segun sa gilatid sa matag gutlo, siglo ug mga katuigan. Ang tanan dunay katapusan ug wala kitay mahimo niana. Ang mahimo nato mao ra man gyud ang paghatag og usa ka makahuloganon nga pagpuyo ug panlimbasog ang kasamtangan.

Mahinungdanon nga duna kitay mahimo aron ang uban mabuhi sa paagi nga madagayaon. Makahuloganon nga sa atong kinabuhi mogahin kita og mga lakang sa pagdasig sa matag usa diha sa pagpahigmata kanila nga angayan silang manginlabot ug magpakabana. Ning paagiha nahimong mas malungtaron ang matag impresyon sa usag usa.

Nahinumdoman kita dili tungod sa atong napondar nga mga epidepsiyo kondili sa mga maanindot nga kasinatian nga motagik og mga nindot nga handuamanan sa tagsa tagsa nato ka mga panumdoman.

GOD
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with