Pasko Novena

LABTIK - Alan Domingo (Banat) - November 30, 2020 - 12:00am

Gitugyan na sa Inter-Agency Task Force IATF ngadto sa mga local government units ang pagdesisyon mahitungod sa Misa de Gallo.

Kini basta seguradong mahasubay lang sa mga lagda nga gipatuman subay sa nasinating krisis mugna sa pandemya sa COVID-19.

Gihangop kini sa mga magtutuo nga Katoliko kay mapadayon naman ang naandan nga pagtambong sa Misa de Gallo isip pagpakita sa dakong paghangop ug pagpasalamat sa atong Manunubos nga si Hesukristo.

Syempre nalipay usab ang kaparian sa naasoy’ng kalamboan ug gipaneguro nga mosunod sa mga health protocols aron malikayan kutob sa mahimo ang virus.

Gani usa sa mga lakang nga ipatuman aron dili maghuot ang mga tawo sa mga simbahan mao ang pagpahigayon og tulo ka schedule sa misa, ang usa pagatawgon nga Pasko Novena nga himoon sa alas singko sa hapon, murang anticipated Misa de Gallo diin kadtong mga tawo nga makatambong niini mamahimo nang dili momata og sayo alang sa misa sa kaadlawon.

Samtang duha usab ka misa sa kaadlawon aron mabahin usab ang mga tawo nga motambong.

Apan magdepende kini sa pagtugot sa LGU sa oras ilabi na nga naa pa ang curfew, hinoon han-ayon ra kini aron magkatakdo gyud ang patakaran sa simbahan ug sa kagamhanan.

Kong magtambayayong ang mga stakeholders dili lang ang simbahan ug ang gobiyerno kon dili apil na ang mga manimbahay mamahimong hapsay ug dili seguro makaproblema.

Tungod kay gihatagan na og kahigayonan nga mapahigayon ang Misa de Gallo, unta dili nato kalimtan nga dili karon ang panahon sa naandan nato tungod kay naa na kita sa gitawag nga new normal.

Gamayng sipyat ang COVID-19 mokapyot gyud kong makahigayon busa hinumdan gyud ang minimum health protocols.

Panahon sa misa seguro makontrol sa mga nagbantay ang mga manimbahay apan inig pagpanggawas na ambot lang unsay mahitabo.

Unta modereto nalang sa balay dili na mohapit sa mga kan-anan o painitan kay seguradong tangtangon ang mask kay mokaon ug dinhi na magsugod sa pag tabi delikado mogawas sa mga baba ang virus.

Mas maayo kaha nga i-regulate pud o idili gyud ang pagpamaligya og pagkaon sa gawas sa mga simbahan aron seguradong dili gyud maglangan langan ang mga tawo ug moderetso na sa ilang balay.

Kong magkahiusa lang ang tanan paglikay sa virus dili gyud kita maproblema, ang pagpanalipod sa atong kaugalingon mao pagpanalipod nato sa mga tawo nga naa sa atong palibot labaw sa tanan sa atong pamilya.

CHRISTMAS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with