EDITORYAL - Pagbaton og kaikog ngadto sa uban

EDITORYAL - Pagbaton og kaikog ngadto sa uban

(Banat) - November 29, 2020 - 12:00am

Nag-viral sa social media ang matud pa klaro kaayong paglapas sa health protocols sa mga tawong nanan-aw sa mini Suroy-suroy o sa Sanfe Fe Madridejos Bantayan (SMB) Escapade nga nahitabo niadtong Nobiyembre 27 sa giugmad ug gipanindot nga Kota Park sa lungsod sa Madridejos.

Mismo na ang ilang mayor nga si Salvador Dela Fuente miangkon nga naglisod gyud sila pagkontrol sa ilang mga konstituwente nga wala gyud motuman sa physical distancing nga gimando sa Inter Agency Task Force nunot sa pandemiya sa Covid-19.

Matud pa nga ang uban pa gyud sa mga tawo wa magsuot og face mask kauban sa nagdasok nga mga nanan-aw sa talagsaon ra kaayong pasundayag diha sa ilang lugar. Dili gyud kini malikayan gumikan kay sud sa dul-an napulo ka buwan wa gyuy laing tawo o mga inilang bisita nga naabot sa ilang lugar tungod sa kahigpit sa health protocols ug pagsirado gyud mismo sa turismo.

Atol sa maong adlaw, diha gyud si Gob. Gwendolyn Garcia, si OPAV Secretary Michael Dino, ang tigpamaba ni Pres. Duterte nga si Harry Roque ug labaw sa tanan, ang mga maanyag nga mga kandidata sa Miss Universe Philippines.

Bisan si Roque, wala makapugong sa iyang obserbasyon atol sa paghatag niya sa mensahe tungod kay nakita niya nga wala na gyud mosunod ang mga tawo sa physical distancing, apan daw giiban-ibanan niya og gamay ang maingon ta gibating kabalaka sa lokal nga mga opisyales pinaagi sa pag-ingon nga basta magsuot lang gyud og face mask kay naa ra man sa gawas o “open air.”

Kung dunay kalapasan, way laing mabasol kondili ang LGUs ilabi na ang mayor ug hasta na ang hepe sa kapolisan sa lungsod.

Pagkatinuod, kinahanglan na gyud mobangon sa mga LGUs gikan sa paglumlom gumikan sa pandemiya.

Nag-agad ang ekonomiya sa paglihok sa mga tawo.  Apan kay naa pa man ang hulga, kinahanglan sab unta nga mismo ang tagsatagsa ka mga tawo mosunod  gyud sa mga health protocols.

Angay makat-onan sa tanang tawo, dato man o kabus, edukado man o way nahuman ang pagbaton og “kaikog” ngadto sa uban nga nagsuot og facemask ug pagtahod sa mga otoridad.        

KOTA PARK
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with