Properties nga napalit atol sa ilang panagtipon

Dear Atty. Divine,

Duna koy live-in partner for 10 years. Wa mi anak but during our cohabitation naka acquire mi og properties.

Last year, nagbuwag mi after I caught him of having an affair with another woman.

Since last year, wa na mi nagpuyo but ang akong problema mao ang properties kay nakapangan namong duha. Unsay dapat nakong buhaton?  Daghang salamat.

Lenny

* * *

Dear Lenny,

Tungod kay ang properties inyong na acquire during sa  inyong panagtipon, ang rule on co-ownership mo apply niini provided nga each one of you  dunay actual joint contribution of money, property or industry sa pagpalit sa maong mga kabtangan.

So kun ang property nga inyong napalit nakapangan ninyong duha then makonsiderar gyud mo nga co-owners niini busa entitled gyud siya og share.  Kun di na gyud mo magkabalik pwede nga imo siyang tanyagan nga imong paliton ang iyang share or pwede sad nga inyong ibaligya ang properties then bahinon ang proceeds niini. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa  V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.