Way kapuslanan ang 8888

ARANGKADA - Leo Lastimosa (Banat) - November 28, 2020 - 12:00am

Nag-unang Globe sa Martes ug nisunod ang Smart sa Huwebes. Kanus-a gipahibawo sa Malakanyang nga libreng maka-text sa 8888 ang mga magbubuhis sa mga reklamo batok sa mga buhatan, opisyal o kawani sa kagamhanan.

Sama sa ubang nakadawat sa text, nireklamo dayon ko sa inadlawng pagkatanggong sa trapiko ug hulga sa baha sa Metro Cebu ug kadako sa burot sa real property taxes sunod tuig. Tulo ka adlaw human sa akong text pinaagi sa Globe ug usa ka adlaw human sa text pinaagi sa Smart, wa pa kong kadawat og tubag.

* * *

Sa wa pang kadason sa sibaw nga mga bagulbol nga way nahitabo sa ilang mga reklamo, gipahibawo sa Malakanyang ang mga lagda sa text messages sa 8888:

Makadawat ang nagpada og tubag gikan sa buhatan ni Executive Secretary Salvador Medialdea sud sa 72 ka oras;

Pahibaw-on ang nagpada unsay lakang sa hingtungdang buhatan sud sa 30 ka adlaw;

Kinahanglang ibutang ang ngan ug address sa nagpada aron makadawat sa ganti nga gitanyag ni Presidente Rodrigo Duterte; ug

Ang matag text message kinahanglang di molapas sa 200 ka characters.

* * *

Apan di makadasig ang kasayuran sa Commission on Audit (COA) sa 8888 Citizens’ Complaint Center (CCC):

Naabtan ang Malakanyang og upat ka tuig una napatuman ang SMS platform kay nalusad ang 8888 niadto pang 2016; ug

Samtang nakaatiman og 646,658 ka voice calls niadtong 2019, may 792,685 ka tawag ang wa maatiman kay wa kalatas gikan sa interactive voice response (IVRs) ngadto sa call takers (CTs).

* * *

Laing nakaplagan sa COA nga makahatag og sukaranan sa kabalaka sa mga magbubuhis nga, sama sa ubang mga pasalig sa Malakanyang, way mahitabo sa mga reklamo sa 8888:

Sa 174 ka buhatan sa kagamhanan nga gi-audit, 56 (32%) ra ang nakaatiman sa tanang reklamo batok nila, samtang 30 (17%) ka buhatan wa katagad og bisan usa ka reklamo nga gipadangat ngadto nila; ug

Wa mag-apura ang buhatan nga gireklamohan kay ang operations manual sa 8888 way silot nga gipahamtang sa mga mapakyas paglihok sa mga reklamo ug wa sab motakda sa tukmang mga lakang nga angayng himuon sa mga buhatan, opisyal o kawani nga gireklamohan.

leolastimosaa@gmail.com

GLOBE SMART
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with