EDITORYAL - Prayoridad sa bakuna

EDITORYAL - Prayoridad sa bakuna

Ian B. Melecio (Banat) - November 27, 2020 - 12:00am

Daghan ng mga tawo ang nagpaabot aning bakuna batok sa coronavirus. Apan ang pangutana, mabakunahan ba kaha ang tanang mga tawo dinhi sa Pilipinas?

Ang gobiyerno migahin og bilyones ka pesos nga budget para sa pagpalit sa bakuna. Target nga bakunahan kadtong mga lugar dunay 3 mil ngadto sa 4 mil nga natalang mga kaso.

Laing prayoridad mao ang mga dagkong siyudad. Natural lang kini tungod kay naa ang sentro sa komersyo sa mga dagkong siyudad ug daghang mga tawo ang nagsagol-sagol kada adlaw. Nagpasabot kini nga sa Cebu City, tungod kay pagkakaron duna na kini kapin 10 mil ka mga kasong natala. Usa sab kini sa kinadak-ang mga siyudad dinhi sa nasud.

Target sa gobiyerno nga 35 milyones ang prayoridad sa mga mabakunahan, lakip na niini ang mga kabus, apan ang plano moabot sa 70 milyones sa populasyon ang mabakunahan sa mosunod nga tulo hangtud lima ka tuig. Plano nga sa sunod tuig masugdan na ang pagpamakuna, kini kun duna na gyuy makapasar sa mga bakunang kasamtangang anaa pa sa clinical trials karong panahona.

Apan siguraduhon lang gyud unta nga dili kini masagolan og politika. Kung unsaon pagpaagi, ang gobiyerno nay mangita og paaging dili kini mabulingan sa mga hakog ug madinumtanong mga politiko.

Tungod kay dili man gyud tanan maapil sa listahan sa mga prayoridad, mas labing maayo sab tingali nga butangan og price ceiling o limitasyon ang presyo niini, o ba kaha saw-on sa gobiyerno ang katunga sa presyo niini. Kung makaya ra sa bulsa sa mga middle class nga pamilya mahimong sila nalay mopalit para sa ilang kaugalingong bakuna.

Makatabang kini sa kampanya sa gobiyerno nga mabakunahan ang kadaghanan sa populasyon kay mahimo naman nilang ihatag sa uban nga dili maka-afford sa bakuna nga nagkinahanglan sab niini.

Way gusto aning coronavirus, tanan gustong makalingkawas gikan sa pagkahigot. Apan aron dili mograbe ang sitwasyon, labing maayong sundon nalang ang tanang gimando nga health protocols.

PILIPINAS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with