Mas dali nga paagi sa pagbahin sa kabilin

LEGAL CORNER - Atty. Divine Flores (Banat) - November 25, 2020 - 12:00am

Dear Atty. Divine,

Ang akong papa namatay last month. Duna siyay mga kayutaan nga gibilin ug tinguha na unta namo kini  nga bahinon. Buhi pa ang akong mama apan gusto  niya nga ihatag nalang sad niya namo  ang iyang share. Karon ang among kamaguwangan misugyot nga magsabot sabot lang mi mga igsuon alang sa pagbahin bahin sa yuta. Apan ang among usa ka igsuon misupak niini kay gusto gyud niya nga moagi mi sa korte aron daw patas ang pagbahin. Ang akong pangutana, unsa may mas practical nga paagi sa  pagbahin sa estate sa akong amahan? Daghang salamat.

Junjie

* * *

Dear Junjie,

Kun gusto mo og mas dali og sayon nga pagbahin bahin sa estate sa inyong amahan, ang sugyot sa inyong kamaguwangan ang inyong sundon. Inyo lang  pasabton ang inyong usa ka igsuon nga misupak niini nga equal sharing man gihapon mo tanan. Inyo lang kuhaon ang zonal value sa BIR sa inyong property aron maoy inyong basihan sab sa pag-compute  sa value sa share sa matag igsuon  aron patas ang sharing.  Once magkasinabot na mo sa sharing, then mo execute mo og Extrajudicial Partition with Waiver of Rights sa share sa imong mama nga iyang i-waive in favor ninyong mga anak. Human niini, inyong pirmahan tanang mga heirs then panotaryuhan then inyong i-submit sa BIR alang sa pagbayad og Estate Tax. Human niini, inyo dayong i-process ang pag-transfer sa property ngadto sa inyong tagsa tagsa ka pangan. Samtang kun inyong ipaagi sa korte ang pagbahin, mo file ang usa kaninyo sa korte og Petition for Judicial Partition, mas taas ug dugay ang proseso kay moagi pa man kini og hearing. Kun mahuman na ang hearing, maghuwat pa sab mo sa desisyon sa korte una mo maka process sa transfer. So mas dali gyud kun Extrajudicial Partition ang inyong buhaton. Thanks and God bless.

Atty. Divine

* * *

Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

PATAY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with