^

Pagsaka sa kaso

LINTUNGANAY - Fred Languido (Banat) - November 23, 2020 - 12:00am

Nagpadayon ang pagsaka sa gidaghanon sa active cases sa COVID-19 dinhi sa dakbayan sa Sugbo.

Gikan sa minus usa ka gatos ka mga active cases unta niadtong buwan sa Oktubre, karon misaka kini og balik.

Sigun sa talaan sa Department of Health anaa na sab sa kapin sa 300 ang active cases sa dakbayan sa Sugbo.

Ang pagsaka og balik sa active cases maoy nag-aghat ni Mayor Edgardo Labella pagpahugot og balik pagbantay sa iyang mga utlanan.

Way dautan niini, apan angayang tun-an og maayo sa mga opisyal sa dakbayan sa Sugbo kun husto ba kining maong paagi pagkontrolar sa pagkatap sa kagaw.

Dili ba kaha ang mga yanong trabahante lang maoy nahasol niini?

Sa akong tan-aw dili ang border maoy angayang pahugtan sa pagbantay kun dili ang hugot nga pagpatuman sa mga lagda.

Inay ang mga utlanan, ang mga sityo sa kabarangayan maoy angayang suroyon sa kapolisan ug badlongon ang mga tawo nga magtapok nga dili magsul-ob og mask.

Niadtong Biyernes sa gabii usa ka dakong pinuy-anan ang akong naagian nga nagpahigayon og party duol sa taytayan likod sa simbahan sa Guadalupe.

Labihang daghana sa mga tawo ang nagtapok ug kasagaran way gisul-ob nga mask.

Kun kanunay nga magpagtrolya ang kapolisan sa mga hilit nga sityo malikayan ang ingon niini nga mga tapoktapok nga posibling hinungdan sa tinakdanay.

Laing angayang palamboon pa sa dakbayan mao ang pagpatuman sa health protocols diha sa mga tindahan.

Kun nakamatikod mo hugot ang ilang pagpatuman diha sa ganghaan. Dili ka makasulod og way mask ug faceshield.

Apan sa higayon nga makasulod na sa tindahan wala nay mobadlong sa mga tawo nga iwalis ang ilang mask ug himoon nga headband ang ilang faceshield.

Way kapuslanan ang istrikto nga pagbantay diha sa ganghaan apan hukason ra didto sa sulod.

Mao ni angayang bantayan sa kagamhanan. Ang mga tindahan nga masakpan nga pasagdan ang mga customer nga dili tarungon og sul-ob ang mask ug faceshield angayang silotan. Sa ingon niini nga paagi madisiplina ang mga tag-iya og tindahan ug malikayan ang tinakdanay.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with