Kun mahanaw na ang pagsalig
MGA LAMAS SA KINABUHI - Fr. Rey Cui (Banat) - November 21, 2020 - 12:00am

Ang pagsalig mahinungdanon kaayo sa bisan unsang relasyon sa nagkadaiyang bayhon niini ug sa nagkadaiyang panahon.

Kay kun buot kang mamahimong suod sa imong karelasyon kinahanglang mamahimo kang mosalig kaniya ug siya dunay pagsalig kanimo.

Kay kun kini na gani ang mahanaw nan, malisud kaayo ang paghupot niini pagbalik dili ba tinuod? Kuyog sa kawalay pagsalig mao man ang kawalay gana nga makigkuyog pa nianang tawhana. Trust is the building block for intimacy matud pa nila.

Ning panahon sa dakong kalisdanan mahinungdanon kaayo sa usa ka pangulo o sinaligan sa bisan unsang renda sa pangagamhanan ang approval rating gikan sa iyang ginsakopan. Nagpasabot kini nga dili sa tanang higayon ang usa ka tawo mag-assume nga siya uyon ang tanan sa iyang pamaagi.

Hinuon sa mosugot ta ug sa dili daghang mga tawo ang nahimong mouyon apan duna puy mosupak. Ingon ana gyud ang kinabuhi.

Mao tingali ang uban nga nakaamgo sa ilang dakong kapakyasan ang mahimong ma-insecure lamang sa kapasikaran nga dunay mga tawo nga nahimong hulga sa ilang approval rating tungod kay sa panahon sa dakong krisis nilihok kini sa pamasin nga makatabang sa dakong panginahanglan sa kinabag-an.

Mao nga mohimo dayon ang hingtungdan og projection.

Ang mga tawo nga huyang ug way kapaingnan mao kadtong mga tawo nga mohimo dayon og masabang pakigpulong aron pagkondenar ni bisan kinsa nga nahimong hulga sa ilang tagsatagsa ka mga comfort zone. Makatarunganon ba kaha kini? Ang tubag dili.

Tungod kay ang maong masabang pakigpulong walay igong padulngan ug nahimong babag naman nuon sa bisan unsang kalamboan.

Ang tawo nga lig-on ug may baruganan husto ra gyud kaayo sa iyang padulngan ug dili na kinahanglan kaayo niya ang pagpaaron nga siya dunay mahimo ug matabang alang sa uban. Nothing to prove kay ang lihok mismo usa naman ka dakong pagmatuod. Kay kun unsay mogawas sa imong baba mao man usab ang anaa sa imong kasingkasing.

Kun buot kang saligan sa mga dinagkong desisyon pamatud-i nga kasaligan ka gayud ug dili kay ang imong pagpaaron maoy bugtong nimong ikapanghambog. 

RELATIONSHIP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with