^

Pila na man diay ka tuig ang panikas sa timbangan diha sa Carbon?

IYO ANTOY - Antolin dela Serna (Banat) - November 17, 2020 - 12:00am

Kapin sa usa ka libong timbangan diha sa Carbon ang gikompiskar ug sa atong makita sa hulagway sa The Freeman ang gipadaganan sa pison.

Tiaw moy kapin sa usa ka libong depektuso, ug gi-magic nga mga timbangan nga gigamit sa mga nanindahay sa Carbon. Pila na kaha ka tuig kining ilang pagpanglimbong sa mga mamalitay sa Carbon? Lakip nako niini, kay anha man gyud ko mamalit sa Carbon kay barato.

Pagkawala sad nilay pungod uy? Dili uroy sila mahadlok gabaan? Kana kon motuo sila’g gaba. Lisud lagi ning kahakog sa tawo, kining greed nga usa sa pito ka capital sins, suma pa sa atong Simbahan. Just in case interesado mo, ang laing unom naglakop sa pride, lust, envy, sloth (laziness, indolence, idleness), wrath, ug gluttony. Pili lang hain ta ma-belong niining pito. Matud ni Irvin Caballes, ang hepe sa Carbon Market Operations Division, ang mga kalapasan naglangkob niining mosunod: wala marehistro, kulang sa timbang, sobra sa timbang, defective, naay buak ang samin.

Maoy tuyo ni Mayor Edgar Labella nga protektahan ang publiko batok niining panlimbong sa pipilaka market vendors sa Carbon. Sa miaging buwan, adunay on-site registration ang gihimo, apan sa kapin 5 mil ka market vendors, wa makaabot og usa ka libo ang nagparehistro.

Ngano man ni? Hadlok silang masakpan sa gi-magic nilang mga timbangan? Kadtong wala pa makaparehistro gitambagan pag-adto sa Treasurer’s Office, otherwise, adunay posibilidad nga makompiskar ang ilang timbangan.

Pagkabadlongon baya gyud natong mga Pinoy uy! Gawas sa maayo. Ang mahitabo gud mo nga ang kabuang sa usa ka market vendor, maduhig man ang uban nga nagtinarong unta. Kahinumdom lang ko niining gisugilon kanako sa akong amigo, nakadungog na sad tingali mo ini:

Usa ka gabii niana, si Julia nanawag sa ilang mga katabang: “Petra, imo nang gi-adjust ang timbangan? Ikaw, Maria, imo nang gi-injectionan og tubig ang manok aron mobug-at? Ikaw pud, Timotea, ang formaline imo nang gi-apply sa isda?” Mitando ang tulo.”Na-hala,” awhag sa agalon, “Mag-rosaryo na ta.” Nakadungog na mo ining istoryaha? Tinuod kaha ni? Religious kaayo no? Apan.

* * *

Mao ra og nisugmat na usab ang atong pagkagahi’g ulo. Nag-anam na usab  pagsaka ang na-positive sa coronavirus. Nius-os na man unta kadto. Ni-kompiyansa kita. Ang uban kanato wala na motuman sa mga health protocols.

Wala na mag-facemask ni mag-face shield;  Kon nagsul-ob man, ang face shield gihimong headband ug ang face mask gihimong tabon sa liog, ug wa na usab mag-observe sa social o physical distancing. Unsa man ni, sa ato ning pagkagahi’g ulo o sa ato lang gyud nga kabuang?

Gumikan niini, gipalig-on o gi-strengthen ang border control libot sa dakbayan, sumala pa sa gi-anunsiyo ni Mayor Edgardo Labella: ”Atong pahugtan ang border control sa tibuok syudad aron atong malikayan ang pagdaghan pagbalik sa kaso sa COVID-19 dinhi sa syudad. Dili na kita buot nga mobalik sa enhanced community quarantine mao kinahanglan nga magmatngon gihapon kita samtang anaa pa ang virus. ”

Ikaw, unsa man, gusto kang mobalik kita sa ECQ?

CARBON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with