^

Kwentada ug budget

LINTUNGANAY - Fred Languido (Banat) - November 16, 2020 - 12:00am

Kapin nalang sa usa ka buwan sa dili pa matapos ang tuig apan hangtud karon wala pa mapasar sa konseho sa dakbayan sa Subo ang budget alang sa sunod tuig.

Bisan ang pagpahigayon sa budget hearing wala pa matiwas tungod sa kapakyas sa mga department heads paghatag og kwentada sa P3.4 bilyones nga pundo alang sa COVID response sa dakbayan.

Si Vice Mayor Michael Rama, atol sa budget hearing niadtong miaging Miyerkules, misuspenso sa pagpadayon pagtuki sa 2021 annual budget hangtud nga mahingpit ang paghatag og kwentada giunsa paggasto ang pundo alang sa COVID-19. Wala makaayon si Rama sa way klarong kwentada nga gihatag sa ubang departamento. Matud sa report, dili hapit mabasa ang mga resibo ug ubang dokumento nga gisuporta sa liquidation busa buot sa konseho nga mosubmitir ug mas klaro nga liquidation ang executive department sa dili pa ipadayon ang pagtuki sa annual budget.

Tingali dili makatarunganon nga i-hostage sa konseho ang annual budget tungod sa kapakyas sa mga department heads sa City Hall paghatag og makatagbaw nga kwentada sa pundo sa COVID-19. Apan saludo ko sa gihimo ni Rama tungod kay gikinahanglan nga dunay maningil ug mosiguro nga protektado ang matagsentimo sa buhis sa katawhan.

Posibling dunay politika nga nagpahipi sa mga lihok ni Rama tungod kay sunod tuig bisperas na sa 2022 election ug wala malilong ang iyang ambisyon nga mobalik sa pagkamayor.

Apan ang ingon niini nga matag sa pamolitika maoy gikinahanglan sa katawhan aron mabantayan ang ilang buhis.

Kun buot sa executive department nga mahuman og dali ang deliberasyon sa budget ug masiguro nga kini mapasar sa dili ppa mahuman ang tuig, angayang ilang paspasan ang paghatag og kwentada sa pundo sa COVID.

Dili man tingali lisod ang paghatag og husay giunsa paggasto ang pundo kun way tinunto sa paghimo niini.

Dako og mamahimong epekto sa operasyon sa dakbayan kun dili mapasar sa tukmang panahon ang annual budget tungod kay nagpasabot ni nga mapugos ang dakbayan paggamit sa reenacted budget. Ug ang paggamit og reenacted budget niining panahon nga nag-atubang ang dakbayan sa epekto sa pandemya dili makaayo. Gikinahanglan sa operasyon sa dakbayan ang budget nga motubag sa mga panginahanglan niini sigun sa gilatid nga programa sa dakbayan pagtubag sa pandemiya. Busa anaa sa mga kamot sa executive department unsaon nila pagtubag ang hagit gikan sa konseho.

BUDGET
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with