^

Mokumpisal gibalibaran

JAV BANATI - Javier Yntig Tapulado (Banat) - November 2, 2020 - 12:00am

Kada kura paroko, adunay g’yoy gitakdang oras alang sa pagpangumpisal. May buntag ug adunay hapon. Sagad, tagsa ka oras ngadto sa duha ka oras ang igahin sa mga ordinaryong adlaw.

Pero mausab kini panahon sa mga mahal nga adlaw o kuwaresma ug sa mga piyestang iglilihi.

Angay bang balibaran sa pari human sa iyang misa kon may makasasala nga gustong mokumpisal tungod kay ang maong yugto nahigawas sa gikatakda na nilang eskedyul para sa maong sakramento?

Dili tanang pari pareha’g tubag. Adunay pipila nga mopakompisal. Unya duna poy dili.

Usa ka Domingo, tapos sa alas 6:30 sa buntag nga misa, may batan-ong lalaki, taas og buhok, limpyog pamarog, miduol sa pari og mihangyo nga mokompisal. Gisenyasan sa pari nga dili siya makapahigayon niadtong tungora.

Pero, desidido gyod ang batan-on nga mokumpisal ug daw mapugsanong mihangyo sa mao niyang dakong tinguha.

Inig lakaw sa pari, iyang giapas-sunod ug nagpunay’g hangyo. Apan pulos balibad ray naani sa batan-on.

Pipila sa nanimbahay nga nakasaksi, nakapangutan-anay: “Ngano man to? Mokumpisal to siya, unya gibalibaran?”

Ang pagpangumpisal sa maong simbahan gikatakda sa mga adlaw lamang nga Lunes ngadto sa Sabado gikan alas 5:00 sa hapon hangtod 6:00pm. Walay Domingo.

Ug kanunay kining ilakbit pag-anunsiyo panahon sa mga misa. Tingale, maoy tin-aw’ng tubag nganong nabalibaran ang batan-on.

Maayo mowali ang maong pari. Maayo kaayo mopasabot unsay unod sa gibasa niyang mga pulong sa Diyos nga nahisulat sa ebangheliyo.

Dakong posibilidad nga nadutlan ang batan-on sa bulawanong homiliya sa pari, midugo ang kasingkasing nga nakaamgo sa mga salang nabuhat.

Busa gusto gilayon nga mokumpisal ug mangayog pasaylo ngadto sa Ginoo pinaagi sa Sakramento sa Kompisal.

Apan kaanugon sa maong tinguha sa pagbag-o nga gibalibaran lang sa alagad sa Diyos.

“Ihatag ang unsay iyaha ni Cesar. Kang Cesar, kang Cesar. Ug ang unsay sa Ginoo, sa Ginoo.” Mao pa gyod kini ang tipik sa wali sa pari.

Nga kon unsa kunoy balaod sa tawo, iyaha na sa tawo.  Ug ang unsay balaod sa Ginoo, iyaha pod na sa Ginoo. Busa, angay sundon sa katawhan.

Pangutana: Kadtong pagbalibad sa pari niadtong batan-on nga gustong mokumpisal, balaod pa kaha kadto sa Diyos?

Hala ka, Father?

CHURCH
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with