EDITORYAL - Kitang tanan frontliners
EDITORYAL - Kitang tanan frontliners
(Banat) - November 1, 2020 - 12:00am

Karong panahon sa pandemiya, matag piso layo na kaayo og maabtan. Busa, kining mga ayuda o mga gasa nga kwarta dako gyud kaayo og ikatabang sa tanang mahatagan.

Ning bag-ohay lang, gisugdan na sa Cebu City ang pagpangapud-apod sa hazard pay ug cash incentives para sa mga barangay workers ug private medical personnel ug staff.

Ang taga barangay nakadawat og tag P250 kada adlaw nga hazard pay gikan sa bulan sa Marso hangtud ning tungora busa moabot og P16 mil kapin ang ilang nadawat.

Samtang ang mga medical personnel sa mga pribadong tambalanan dinhi sa siyudad nakadawat og tag P30 mil nga cash incentives nga bale og tulo ka buwan. Agi og tabang sab ngadto kanila sa siyudad tungod sa kadako sa ilang papel sa kombate kontra novel coronavirus disease.

Giisip silang mga frontliners sa kampanya batok COVID-19, sama sab sila sa mga law enforcement units sama sa kapolisan , kasundalohan ug kabomberohan nga miabag sa gobiyerno aron mapakgang ang pagkuyanap sa maong virus pinaagi sa pagkontrol sa lihok sa mga tawo.

Apan kinsa man gyuy tinuod nga frontliners? Ang tinud-anay nga frontliners mao ang katawhan, kitang tanan apil kining mga anaa sa gobiyerno o mga medical personnel. Tungod kay kita mang tanan maoy matakdan ug masakit. Una sa tanan, ang tanang tawo maoy angay maniguro sa iyang kaluwasan ug sa kaluwasan sa iyang pamilya gikan sa maong virus. Ikaduha , gawas sa mga law enforcers, mao ang mga barangay workers kay silay gitahasan pagbantay sa lokalidad.

Sila maoy gitahasan pagbadlong niadtong mga quarantine violators ug pagmentinar sa pagpatuman sa mga health protocols.

Ang mga medical practitioners, pribado man o publiko maoy kataposang line of defense sa publiko. Didto sa ilang mga tambalanan ang makahadlok nga pakigsangka batok sa virus aron luwason ang mga pasyente gikan sa kamatayon.

Mao nga makatarunganon lamang nga hatagan sila niining maong insentibo ug bayad sa ilang kahago.

Samtang ang katawhan, mag-igo na nga makakitang ang  paningkamot sa tanang sektor makapabalik sa naandan bisan pa sa binag-ong pamaagi.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with