Todos Los Santos ug ang mga horror movies
ANG DIOS MIINGON - Fr. Rey Cui (Banat) - November 1, 2020 - 12:00am

Nobiyembre 1, 2020: Pangilin sa tanang mga Santos

Mga Pagbasa: Gip. 7;2-4,9-14/Sal. 24/1 Jn. 3’1-3/Mt.

Paingon na gani rong mga panahona mosugod pud dayon og dagsang ang mga sugilanon, pasundayag, dayandayan nga dunay dakong kalambigitan sa mga horrors, witchcrafts ug uban pang iya sa kangitngit. Gani daghan sa mga kabataan niadtong kanhiay nga normal nga sul-oban og mga saput sa mga ungo ug uban pang makahahadlok nga mga linalang kay lagi Halloween. Ang mga salida usab nakasentro sa mga hadlok ug mga paranormal nga mga hitabo.

Gani sa Oktubre 31 pa lang murag dili na gyud kaayo maayo ang ambiance labina kun ang mga Satanista magpundok na usab aron mohimo og mga black mass agi’g pagpasidungog kang Satanas mao nga dili gyud safety ang atong mga kabataan karon.

Mao nga ang simbahan ni counteract niini pinaagi sa pagdasig nga mohimo og parada sa mga kabataan nga nagsul-ob og bisti sa mga balaan ug Santos nga natala diha sa kalendaryo sa simbahan.

Pahinumdom kini nga ang Nobiyembre uno adlaw sa pagpasalamat kay dunay mga santos ug santas nga kanato mogambalay sa dalan padulong ngadto sa atong tinuod nga puloy-anan ang bag-o ug tunhay nga Jerusalem.

Ang atong ebanghelyo karong Dominggoha nipahinumdom kanato sa tinud-anay nga diwa sa pagkabulahan. Nga kun atong tan-awon murag dakong sukwahi sa kalibutanong pagsabot.

Apan sa mga mata natong mga Kristohanon kining maong mga hiyas sama sa pagkamapaubsanon, pagkakabus, pag-antos dako mang sumpaki sa naandang pagsabot nga tawhanon nga ikaw bulahan kun mahuptan nimo ang material nga kaabunda. Mao nga daghan sa mga tawo ang padayong nangita sa maong kaabunda hangtud na bugtong kaugalingon lamang nila ang ilang gihunahuna.

Ang kinabuhing balaan kinabuhing bulahan usab. Kasagaran sa mga nailhan natong mga balaan taliwala sa ilang pagkatawhanon nahimo silang balaan ug bulahan. Kini tungod kay diha sa ilang pagsud-ong sa reyalidad sa kinabuhi nga lagbas sa naandang panlantaw maantigo silang mo let go sa bisan unsa nga ilang nahuptan.

Nahimo silang bulahan gumikan niini tungod kay niangkon man sila nga sila kabus ug kay kabus nagkinahanglan sila og Dios. Ang Dios maoy nipuno sa ilang kinabuhi. Ang Dios lang paigo na alang kanila ug kanato ngano gud dili?

Mapasalamaton kaayo ko nga nakamata gihapon ko matag buntag. Makabasa gihapon og libro ingon man makapangalagad gihapon sa kadaghanan bisan dili takus. Ang maong kahigayonan, kahigayonan sa pagkabalaan ug pagkabulahan. Bulahan dili tungod sa mga material nga butang kondili bulahan tungod kay daghang mga tawo ang mahimong akong mailhan ug masinati adlaw adlaw sa akong kinabuhi.

Daghan pud kita og matabangan. Alang  nako mao ni ang kinabuhing bulahan ug sa ngadto ngadto kini usab makapabalaan kanako ug kanatong tanan kun motambayayong lang.

HORROR
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with