Pagtulon-an gikan sa mga aksidente
LINTUNGANAY - Fred Languido (Banat) - November 1, 2020 - 12:00am

Makapabalaka ang sunod-sunod nga mga aksidente sa kadalanan dinhi sa dakbayan sa Sugbo nga naglambigit sa mga bus nga gipanag-iya sa Vallacar Transit o ang mas naila nga Ceres Bus Company.

Sigun sa talaan sa kapolisan, moabot og kapin sa 20 ka mga aksidente ang ilang gikalambigitan sa miaging buwan sa Oktubre.

Naglakip  ni sa yanong panagbag-id hangtud sa panagbangga nga miangol ug mikalas og mga kinabuhi.

Usa sa mga aksidente nga nakapugwat sa publiko mao ang nahitabo niadtong Oktubre 25 diin usa sa ilang mga bus gikadasmag og ambulansiya.

Atol sa insidente siyam ka mga tawo ang naangol, sagad nila luwan sa ambulansiya nga naghatud og pasyente.

Makita sa video nga nipugos og labang sa intersection ang bus bisan dunay nagsing-abot nga ambulansiya hinungdan sa panagbangga.

Gisuspenso na sa Land Transportation Franchising and Regulatory Board ang certificate of public convenience sa bus nga nalambigit sa disgrasya ug gipaubos na sab sa hospital arrest ang driver.

Sa gidaghanon sa mga aksidente nga ilang nalambigitan dili kalikayan ang mga pagduda nga dunay problema sa disiplina ang ilang mga driver.

Apan sa pikas bahin,  angayan sab nga tun-an sa atong gobyerno ang maong mga aksidente kun wala ba mahimong dakong hinungdan niini ang atong mga karsada. Ang akong gipasabot mao nga haum ba ang mga dagkong bus sama sa Ceres nga maoy atong gamiton isip public transport dinhi sa dakbayan sa Sugbo. Dili kaha nga tungod kay gagmay ang atong mga karsada hinungdan nga maglisud sa pagsuotsuot ang mga bus?

Makatabang sa atong mga opisyal pagkab-ot og inantigo nga disisyon sa umaabot unsay haum nga public transport nga atong ipatuman ang paghimo og pagtuon sa kasamtangang sitwasyon.

Naghatag nato og pasiunang hulagway sa posibling sitwasyon unya kun hingpit na nga mapatuman ang bus rapid transit (BRT) hulip sa traditional nga mga jeepney.

Laing pagtulon-an nga angayang makat-onan sa atong mga opisyal sa sunod sunod nga aksidente mao ang seryoso ug epektibo gyud unya nga pagpatuman sa bike ug motorcycle lanes.

ACCIDENT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with