EDITORYAL - Misyon sa mga buhi
EDITORYAL - Misyon sa mga buhi
Ian B. Melecio (Banat) - October 31, 2020 - 12:00am

Sugod sa miaging adlaw wala na pasudli og mga tawong managkot og kandila ug moduaw sa mga minatay ang mga sam-ang subay sa kamandoan sa Inter-Agency Task Force kontra Covid-19 gumikan sa napanglantawang panagdasok unya sa mga tawo.

Nahimo nang tradisiyon sa mga Pilipino ang pagduaw sa mga minatay sugod sa bisperas sa Adlaw sa mga Santos (Nob. 1) hangtud sa Kalag-Kalag (Nob.2) aron i-ampo o pangadyian ang kalag sa mga mitaliwan na sa laing kalibotan.

Ang uban nga wala makahigayon paguli sa ilang mga probinsya, paigo na para nila nga makadagkot og kandila sa dakong Krus sa pagtuong pinaagi niini madungog ilang pahinungod sa mga kalag sa ilang minahal sa kinabuhi.

Ang pagdagkot og kandila ug pagpapangadye para sa mga minatay gitudlo sa Simbahang Romano Katoliko. Gitudloan ang mga buhi nga Romano Katoliko nga iampo ug ampoan kadtong mga mitaliwan na natong minahal sa kinabuhi. Iampo ang ilang mga kalag aron mapasaylo sa Ginoo ang ilang mga sala nga nabuhat sa buhi pa sila nga sa ilang kamatayon wala nila makompisal ug ampoan sila aron nga agakon o tabangan kitang mga buhi pa sa adlaw-adlaw natong pagkabuhi.

Apan kinahanglan pa ba gyud managkot og kandila ngadto sa dakong Krus sa mga sam-ang? Dili, tungod kay ang pagdagkot sa kandila simboliko lamang kay ang mas mahinungdanon mao an gang pag-ampo busa, bisan sa balay lang mahimo magdagkot og kandila ug iampo ug ampoan ang mga kalag.

Kun makahigayon, mahimo mang pamisahan ang kalag bisan dili karong panahon sa kalag-kalag tungod kay ang pag-ampo para man sa tanang oras.

Pagpakita sab kini sa malungtarong paghigugma ngadto sa nitaliwan, nga sila wala kalimti sa limot, nga ang ilang mga nabuhat nga maayo nahinumdoman pa sa gihapon sa nga nagpabilin ibabaw sa yuta.

Sa panahon karon nga dunay pandemiya mas maayong maglikay nalang inay magmahay sa kaulahian. Apan wala magpasabot nga dili nalang pahinungdan ang mga toa na sa laing kalibotan, angay hinumdoman nga misyon sa mga buhi pa ang pagtabang sa mga kalag niadtong mga mitaliwan na.

COVID-19 IATF
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with