Lihoka dayon ninyo
RENBOR PATROL - Rene U. Borromeo (Banat) - October 31, 2020 - 12:00am

Naghimo na og grupo si Cebu City Mayor Edgar Labella nga gilangkoban sa mga pangulo sa lainlaing ahensiya sa kagamhanan aron maoy mohimo og lakang batok sa mga estraktura nga gipangtukod diha sa kasapaan.

Nalipay kaayo ko niini, ug naglaum nga ang grupo nga gipangulohan sa akong amiga nga si Cebu City Engineer Kenneth Carmelita Enriquez mohimo gyud unta’g og paspas nga pag-atiman sa maong problema aron masulbad na ang paglunop.

Kaniadtong miaging adlaw, nakaanha ko sa downtown area ug nakahunahuna ko nga kuhaan og hulagway ang usa ka sapa nga kabahin sa Estero Parian (Parian Creek na karon) nga nagsubay sa kilid sa building namo sa The Freeman.

Nakapanglingo-lingo ko nga nagtan-aw sa usa ka bahin sa sapa nga ang ibabaw niini, gitukoran og building sa usa ka department store. Nakita nako nga gikan sa tubig, duha na lang ka dangaw paingon sa sawog nga gitukod ibabaw sa sapa.

Natural nga kon mag-uwan, bisan og hinay ra, mosaka ang tubig ug dili na makaagi ang tanan diha sa sapa. Unsa may mahitabo? Hinuktuki kuno bi?

Ako na la’y tubag. Ang tubig nga dili dayon makaagi sa sapa kay nababagan na man sa gitukod nga building, mosuyla ngadto sa karsada. Mao kana nga kon mag-uwan, molunop ang tubig sa mga karsada sa Manalili, D. Jakosalem ug Colon.

Dunay balaod nga ang sapa, dili gyud mahimong magamit ang three meters gikan sa masi’g ka tampi niini, pero naunsa ba nga gitukoran pa man hinuon ang ibabaw?

Ambot og nganong ang city engineer sa dakbayan sa Sugbo kaniadtong mga dekada ‘80, mitugot man nga matukod ang maong building nga anaa ibabaw sa sapa?

Daghan ang nakapangutana kon wa ba kaha siya tingala og kwarta sa tag-iya sa building? Ang maong niadtong higayona, nganong misugot ra man pud?

Diay “win-win solution” nga akong isugyot. Kinahanglan nga ang mga opisyal sa kagamhanan, ilabi na gyud sa dakbayan sa Sugbo, mopaguba gyud sa maong estraktura.

Apan mahimong ang ubos na lang nga bahin maoy ipaguba nga kanang makaali sa tubig, ug nga mahimong makaagi ang mini-payloader aron makahabwa sa mga lapok kon ginihanglan.

Ingon niini ang angay’ng himoon ngadto usab sa ubang balay patigayon diha ibabaw sa Estero Parian. Basi sa karaang mapa nga gihuptan pa karon sa City Hall, lapad kaayo ang gilapdon sa maong sapa.

Makasulod gud diha kaniadto ang mga baruto nga dunay katig, kay magkarga og “barter goods” kay diha man sa Colon ang baligyaanan kaniadto.

Apan karon, sus, bisan ang usa ka sakayan nga way katig mura’g muhoot na!

EDGAR LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with