B to B G to G
MGA LAMAS SA KINABUHI - Fr. Rey Cui (Banat) - October 24, 2020 - 12:00am

Naukay ang tibuok kalibutan sa dihang gibutang mismo sa mga ngabil sa atong tinamod nga Santo Papa ang espesyal nga pagtagad sa same-sex union. Matud pa nga ang maong pagtagad kinahanglan nga mohimo og panalipod nga legal ang pangagamhanang sibil ngadto sa mga nahalambigit na sa same-sex union. Mao nga okay na  kuno ang Boy to Boy ug Girl to Girl.

Apan segun sa panahom sa kadaghanan, nakita nato dinhi nga ang dunay misinterpretation sa mga terminolohiya ug dugang pa, dili mahimo nga mobiya sa naandang pagtulon-an ang Santo Papa. Wala niya gidasig ang same-sex marriage apan sa kapasikaran nga mga tawo sila mao nga dili sila angayan nga isalikway o pasagdan. Kinahanghang hatagan sila og igong pagtagad apil na niini ang panalipod nga legal gikan sa pang bully ug discrimination matud pa.

Dili ikalimod nga kining atong Santo Papa karon makapahaling gyud og nagkadaiyang mga reaksiyon gikan sa mga tawo labina gyud sa mga Katoliko gyud mismo. Apan subo palandungon nga ning panahona karon mas daghan ang maglisud og tugkad sa kahulogan luyo sa maong mga statements kaysa kanila nga nakatugkad na sanglit maayo man sila og background kalabot niini. Mao nga alang sa mga konserbatibo nga nahimo pud nga sirado sa bisan unsang mga pagpasabot lisud gyud tinud-anay ang paghimo og compromise ning maong baruganan.

Sa akong tan-aw buot sa atong papa nga mamahimong inclusive diha sa iyang ministry. Inclusive kun malangkubon siya diha sa paghatag og igong pagtagad ni bisan kinsa ning kalibutana mahisakop ka man o dili sa Katolikong Simbahan. Mao nga aron pag-accommodate kinahanglan nga himoon kini sa paagi nga malangkubon.

Gitahod ang mga sakop sa LGBTQ community sanglit sila tawo man sab sama nato. Apan ang sakramento sa kaminyoon alang man gyud sa mga babaye ug lalaki lamang kay mao man kini ang kamandoan sa natural law ug sa balaod nga Dios.

Unta ang maong pagpasabot makapapas na sa kadulom sa mga hunahuna ug kasingkasing sa kinabag-an nga nakalitan sa maong pamahayag mismo sa atong santo papa. Hinuon padayon kitang mag-ampo ug padayon kitang manginlabot aron mamahimong mas makahuloganon ang atong pakig-unong sa tradisyon nga atong nadawat sukad pa sa kaniadto. Hinaut pa unta.

POPE FRANCIS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with