Pakpak mo!
RENBOR PATROL - Rene U. Borromeo (Banat) - October 24, 2020 - 12:00am

Makalipay kaayo ang statistics sa Department of Health (DOH) kabahin sa Coronavirus Disease update dinhi sa Dakbayan sa Sugbo kay makita nga anam-anam na gyud nga nahanaw ang virus.

Kada adlaw akong gipanid-an ang statistics sa COVID-19 dinhi sa atong siyudad ug sa silingan nga mga dapit, ug natan-aw nako nga nagkagamay na gyud ang natakdan sa virus, tingali tungod kay nagmatngon na sila ug mituman sa health protocols.

Kaniadtong miaging adlaw, duha na lang ang natakboyan sa virus, ug walay namatay, ug kagahapon upat ang bag-ong natakdan ug wa gihapo’y namatay.

Samtang ang gidaghanon sa mga natakboyan og COVID-19 dinhi sa Cebu City miabot na tuod og 10,196 apan ang 9,308 nangaayo na, ug matud sa DOH nga 211 na lang ang padayon nga nagpaalim sa ilang sakit.

Tingali ang katawhan mituman na gyud sa mga health protocols nga gimando sa kadagkoan sa kagamhanan aron nga dili sila mahisama sa 678 nga nangamatay dinhi sa siyudad sa Sugbo dihang misiaw pa ang virus.

Sa tanang mga dapit dinhi sa Cebu kagahapon, ang Lapu-Lapu City ra maoy dunay 10 ka bag-ong kaso sa virus, apan ang ubang mga lungsod ug siyudad, tag-usa na lang ka “digit” ang figure sa bag-o nilang kaso.

Busa, padayonon kita nga molikay aron dili matakboyan pinaagi sa pagtuman sa mga health protocols nga mag-mask gyud ug likayan ang pakigdikit sa mga tawo, bisan ug imo silang kaila, hangtud nga hingpit na nga mahanaw ang virus.

* * *

Dunay mga operators og PUJ nga nagbagulbol kuno kay dako na kaayo sila og bayranan sa mga gasoline stations nga anaa nila giparking ang ilang mga sakyanan.

Ang ubang gas stations magpabayad og tag P20 kada adlaw sa pagparking nila sa matag unit sa PUJ, ug kay wa man gihapon padagana ang maong mga sakyanan sa LTFRB, nagbayad sila og P600 kada buwan, sukad niadtong Marso.

Ang uban mibasol ni Mayor Edgar Labella nganong wala sila makadagan. Diha sila nasayop kay ang mayor mihangyo na, dugay na, sa LTFRB nga tugotan na nga makabiyahe ang mga traditional jeepney aron may panginabuhian ang mga driver.

Apan mag-unsa man ang mayor nga ang kamandoan nga dili usa pabiyaheon ang mga PUJ, gikan man sa Department of Transportation (DOTr) nga sakop sa Inter-Agency Task Force?

Unya, ngano man sab nga ang maong mga PUJ operators naa man nagparking sa mga gasoline stations? Dili ba pag-apply nila og prangkisa, may grahe man sila nga gihimoan gani nila og sketch?

Sakpan mo nga nangilad ra diay sa LTFRB kon mao na.     

DOH
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with