EDITORYAL - Imported shabu, kinilo na karon
EDITORYAL - Imported shabu, kinilo na karon
Ian B. Melecio (Banat) - October 23, 2020 - 12:00am

Gipangusgan sa kasamtangang pamunoan ang kampanya batok sa illegal nga drugas, apan makahibulong kun nganong daw wala may paghubas ang shabu dinhi sa nasud ug mas daghan pa kun itandi sa nakalabay nga katuigan.

Kun kaniadto gramos lang ang makuha sa mga otoridad, karon moabot naman og kinilo ug minilyones na ang kantidad. Ang mga nangadakpan dili na basta-basta tungod kay miyembro og mga dagkong drug group ug imported pa gyud ang ilang shabu.

Ning bag-ohay lang, dunay nasakmit nga P150 milyones nga kantidad sa gidudahang shabu sa Dakbayan sa Lapu-Lapu. Matud pa sa mga otoridad gikan sa nasud sa Myanmar ang  maong illegal nga drugas base sa tatak niini ug pagka-impake.

Sumala pa gikan sa Golden Triangle drug syndicate nga nagbase sa Myanmar ang maong mga illegal nga drugas.  Kaniadto wala man igdungog dinhi sa Pilipinas ang maong grupo bisan notado na sila kaayo didto sa abroad.

Ang maong grupo gilangkuban og mga nagkalain-laing nasyonalidad ug posibleng dunay Pilipino nga miyembro niini ug maoy nagpalusot sa illegal nga drugas dinhi.

Apan dili kini makasulod bastabasta dinhi kun wala kini koneksyon gikan sa mga naa sa posisyon. Ang kampanya sa gobiyerno batok sa illegal nga drugas ni-shift na gikan sa gagmay nga street pushers ngadto na sa mga drug groups.

Mao nga nabantayan nga kinilo na nga illegal nga drugas ang masakmit sa mga operasyon. Apan kay duna may pipila ka kilo  nga pirmeng masakmit sa usa ka dapit, nagpasabot nga duna pay ubang mga kinilo sab nga nga sama niini nga wala gyud masakpi sa mga otoridad.

Dili man katuohan nga kaning ingon niini kadagkong drug syndicates mopadala lang og pipila ka kilo sa us aka shipment.

Kanus-a kaha masugdan paggukod o pagtutok kini nasang mga miyembro sa maong international drug syndicate nga nagbase dinhi sa Pilipinas. Kay kun wala ni sila, dili makasayon-sayon og sulod kining kinilong shabu sa nasud.

Makapangutana ang publiko kun mabuhat ba gyud ni Duterte ang iyang panaad nga buntogon ang illegal nga drugas sa Pilipinas.

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with