Pag-ihap sa mga mangasakit
ARANGKADA - Leo Lastimosa (Banat) - October 21, 2020 - 12:00am

Atubangan sa kalibotanon nga kahigwaos sa dinalian nga bakuna batok sa COVID-19 ug lapad nga pagduda nga dalidalion ang pagmugna og bakuna, duha ka talagsaon nga lakang ang gihimo sa higanteng mga kompaniya nga may mga kandidatong bakuna:

Siyam nila—AstraZeneca, Moderna, Pfizer, Johnson & Johnson, GlaxoSmithKline, Merck, Novavax, BioNTech ug Sanofi—nipirma og kauyonan nga mangayo lang sila og pagtugot kon may igo nang kasayuran nga momatuod sa kaluwas ug ka-epektibo sa ilang bakuna; ug

Gibutyag nila ang mga lagda sa nagpadayon nga phase 3 sa ilang clinical trials.

* * *

Ang mga kandidatong bakuna sa mga sakit sa nangaging katuigan nagkinahanglan lang og tulo ngadto sa unom ka libo ka boluntaryo alang sa ilang clinical trials. Apan tungod sa kanihit sa mga kaso naabtan ang ilang pagtuon og pila ka tuig. Lugway nga di kapahimuslan sa kalibotan kansang ekonomiya napaluhod sa COVID-19.

Maong tungod sa 30,000 ngadto sa 60,000 ka boluntaryo sa matag usa sa walo ka phase 3 clinical trials ug sa padayong pagsulbong sa mga kaso sa nagkalainlaing kanasuran gipanghinaot nga may katugotan nang bakuna o mga bakuna karong tuiga o sayo sa sunod tuig.

* * *

Niang gipahibawo sa tulo ka nag-unang mga kandidato nga bakuna nga mga numero nga pasikaran sa ilang pangangkon sa kalamposan sa mga pagtuon:

Ang Moderna mahimong mangayo og pagtugot kon moabot na og 53 sa ilang mga boluntaryo ang mataptan sa COVID-19;

Ang AstraZeneca mangayo og pagtugot kon moabot na og 75 sa ilang mga boluntaryo ang matakdan sa kagaw; ug

Ang Pfizer mangayo og pagtugot kon moabot og 32 sa ilang mga boluntaryo ang mag-positibo sa COVID-19.

* * *

 Kay 50% ra man ang ka-epektibo ang gitakda sa Food and Drug Administration (FDA) sa Estados Unidos nga ilang pasikaran sa paghatag og pagtugot sa bakuna o mga bakuna, magbantay ang mga kompaniya sa mosunod nga gidaghanon sa mataptan sa COVID-19:

Labing menos 27 sa placebo group (mga boluntaryong gihatagan og di tinuod nga bakuna) ug 26 sa vaccine group sa Moderna;

Labing menos 38 sa placebo group ug 37 sa vaccine group sa AstraZeneca; ug

Labing menos 16 sa placebo group ug 16 sa vaccine group sa Pfizer.

* * *

leolastimosaa@gmail.com

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with