Kadaut nga namugna sa baha
LABTIK - Alan Domingo (Banat) - October 19, 2020 - 12:00am

Gihulagway sa mga opisyal sa dakbayan sa Sugbo nga “unprecedented flooding” o unang higayon nga nasinati ang ingon niadto ka grabeng baha nga  nasinati sa dakayban sa Sugbo nga apil na sa gibahaan ang uptown area.

Kong baha na gani ang hisgotan, ang downtown area ug ang ubang lupa nga bahin sa syudad ang sikat nga sanapan sa baha, apan niadtong nakalabay’ng mga adlaw gilunopan man ang Maxilom Avenue.

Nakamugna kini og kadaut sa mga edipisyo sa ilapi na daplin sa karsada nga nangabuak ang mga pultahan nga bildo ug nangalumping na usab ang mga roll-ups.

Nakatampo og dako mao usab diay ang pag-agi sa bus nga nagpagulhot sa pagdagan nga hinungdan sa kusog nga impak sa tubig nga midanyos sa mga edipisyo sa dapit.

Hinuon kabtangan ra man na ang nadanyos mahimong hulipan apan ang mas grabeng nahitabo ang tulo ka kinabuhing nakalas gumikan sa naasoyng katalagman.

Usa ka 80-anyos ang namatay sa sitio Creekside sa Barangay Lorega kay gibalikan ang bugas ug didto na naabtan sa bata ug nakalas.

Samtang ang laing namatay ang 49-anyos nga mipugos og agi sa spill way sa sitio Tarcum, Barangay Busay ug gianod sa baha, samtang nakaplagan usab ang patayng lawas sa 16 anyos nga naanod usab sa baha.

Ang pangutana nganong nahitabo man kadto? Klaro kaayo ang tubag, ang sobrang paghakop sa mga negosyante sa agianan sa tubig nga mao ang sapa, naalihan na kini sa mga basura nga wala kaagi kay naa namay haligi nga gibutang sa tungha sa sapa.

Ang sapa kaniadto dili na gani makita kay naa namay nga bulding nga nagpatong niini, gawas pa wala usab matarong paghipos ang mga basura ilabi na ang mga bottled water nga walay sulod nga maoy nangasangit ug nakaingon sa paglawom sa tubig.

Gikatakdang ipatawag sa mayor ang tag-iya sa mga establisimento aron makorehian ang ilang kasapayan.

Apil sa ipatawag ang mga manufacturing og botelya nga magbutang gyud og receptacle aron dili magpataka og labay nga maanod sa sapa.

Maayo unta dunay padulngan alang sa kasolbaran sa suliran sa baha.

FLOOD
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with