Hotel may tulobagon
JAV BANATI - Javier Yntig Tapulado (Banat) - October 19, 2020 - 12:00am

Niadtong gabii sa Oktubre 13, 2020, may concerned citizens nga mi-post sa Facebook og mga hulagway sa nanglutawng sakyanan nga gianod sa nagakalawom nga tubig sa Gen. Maxilom Avenue gumikan sa walay hunong nga pagbunok sa makusog ulan.

Dili lamang mga makina sa sakyanan ang namatay. Mga kinabuhi sab tawo. Usa kanila si Hansel Dayondon, tin-edyer, kinsa magkatulganan ilawom sa imbornal.

Wala dayon siya mahikaplagi sa mga Search and Rescue Team sa maong gabii nga siya gipangita. Miabot pa og duha ka adlaw una pa matultoli ang nahimutangan sa iyang hubong lawas nga gigakos sa nagkadaiyang matang sa basura ilawom sa imbornal, diin haduol niya, aduna poy baboy nga namatay.

Segun sa pakisusi nga gihimo, gipakita ni Cebu City Councilor Jerry Guardo ang sapa ilawom sa usa ka hotel nga nagbarog sa Gen. Maxilom Avenue corner Rahman Street. 

Adunay butang nga pormag solidong kahon ang nakatabon.

Busa, dili na makaagi ang tubig. Resulta, kon may kusog ulan, moaslay-baha gayod.

Dako kaayog perdisyon ang maong pagbaha nga gikadulot ngadto sa hingtungdan nga mga Sugboanon. Luoy kaayo ang mga sakyanan nga gipangparking sa basement ug gilunopan sa hugawng tubig.

Kay nagkahulogan kinig sakit sa ulo ug mas sakit sa bolsa.

Busa, saludo ko sa hukom ni Mayor Edgar C. Labella nga iyang paimbestigahan ang mga hotel owners nga anaa mahimutang sa duol sa sapa. Ilabi na sa nagtungtong ibabaw sa sapa.

Buwahan, masayran ang tuburan sa bag-ohay lang nabulgar nga kalapasan.

Unya mas nindot kon kanang kuwadradong kahon nga nakaali sa agianan sa tubig sa sapa matangtang sa labing daling panahon samtang wala pa moabot ang lain pang matang sa ulan nga basig mas kusog pa unya ug mas dugay pang motuang nga dili lang nato mahibaw-an kanus-a ning panahon sa La Niña.

Ang 140 ka toneladang basura nga nakolekta sa Cebu City Department of Public Services human sa nahitabong baha ug ang pagbutang sa hotel og solidong babag tungatunga sa sapa, nagmatuod unsa kagahig ulo ang tawo pagtuman sa unsay gidili sa gobiyerno.

Kagahi nga mihunos og mga kinabuhi.

Busa, sa higayon nga masayran-tumbok sa imbestigasiyon, kinsa ug unsang hotela maoy mihimo niini, kini may tulobagon.      

FACEBOOK
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with