Dili qualified sa legitimation ang bata
Dear Atty. Divine,
Duna koy pangutana labot sa akong anak sa pagka dalaga. Wa ni siya gi acknowledge sa amahan ug karon 3 years na ang bata. Nagplano mi sa akong boyfriend nga magpakasal mi next year. Gusto unta niya nga mausab ang apelyido sa akong anak human sa among kasal ug ang iyang apelyido ang ipagamit niini. Ang akong pangutana kun pwede ba namo i-process ang legitimation sa bata after sa among kasal? Unsay dapat namo nga buhaton? Daghang salamat. —Leona
Dear Leona,
Ang legitimation mo-apply lang kun ang biological parents sa bata maoy nagminyo after siya gipanganak. Sa kaso sa imong anak, dili niya biological father ang imong pakaslan busa dili siya qualified sa legitimation. Ang inyong option aron mausab gyud iyang birth certificate ug masunod ang apelyido sa imo unyang bana mao ang pag-file og Petition for Adoption sa korte. After sa inyong wedding, inyong i-process ang adoption sa bata ngadto sa Korte. Kun ma-grant kini mahimo nang legitimate ninyo nga anak ang bata ug pwede na siyang mogamit sa apelyido sa imo unyang bana. Thanks and God bless. —Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest