EDITORYAL - Layo pang makublan ang tanan
EDITORYAL - Layo pang makublan ang tanan
Ian B. Melecio (Banat) - October 16, 2020 - 12:00am

Ang Department of Health Central Visayas miingon nga dunay mga timailhan nga ang Cebu City miabot sa punto nga matawag og “herd immunity” niining panahon sa pandemiya sa novel coronavirus disease.

Kini kun maoy basihan ang resulta sa gipahigayong targeted anti-body test sa mga vendors sa Carbon Public Market nga ilang gihimo kauban sa Cebu City Emergency Operations Center sa miaging buwan nga ang tumong mao ang pagsusi sa gilapdon o gidaghanon sa mga nataptan sa maong virus diha sa maong merkado.

Migawas sa resulta nga 47.48 porsiyento sa 2,191 ka market vendors ang  IgG positive. Ang mga tawong IgG positive sumala pa sa mga doktor nagpasabot nga miagi na sila og COVID-19 ug nangaayo lang nga sila-sila ra. Sa laktod, mga asymptomatic ang maong mga vendors.

Posible kini tungod sa resistensya sa lawas batok sa virus hangtud ang lawas ni-develop og kaugalingong immune system batok niini.

Ang eksplinasyon sa DOH-Central Visayas pinaagi sa ilang direktor  nga si Dr. Jaime Bernadas nga maayo kining tilimad-on sa kampanya batok sa maong pandemiya tungod kay samtang nagkadaghan ang na-expose sa Covid-19 nakat-on ang lawas kun unsaon kini pagkombate.

Ang herd immunity makab-ot kun 70 ngadto sa 80 porsiyento sa populasyon ang immune na sa virus. Kun sa gamay’ng hut-ong sa mga vendors nga nagpaubos sa test 47 porsiyento lang ang naka-develop og immunity batok sa virus, dili pa gyud angay mokompiyansa.

Angay ibutang sa alimpatakan sa tanan nga wala pay bakuna batok sa virus, mao nga samtang wala pa kini, mas epektibong panagang ang pagsunod sa minimum health protocols. Way nasayod kun unsa ka grabe ang epekto sa virus ngadto sa uban nga wala pa maigo niini, maayong di nalang magpasay-saya pagsalikway sa mga gipatumang health protocols kay basin mauwahi na unya ang pagmahay.

Hinumdoman unta nga mahimong immune na ang usa ka tawo sa sakit apan dili siguro kun immune ba sab o kayahon ba sa ilang mga mahal sa kinabuhi sama sa mga senior citizens ug mga masakiton nga kauban sa panimalay kun madala nila ang virus ngadto kanila.          

CEBU CITY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with