Kun wala gyuy Kapaingnan
MGA LAMAS SA KINABUHI - Fr. Rey Cui (Banat) - October 16, 2020 - 12:00am

Si Sun Tzu sa iyang Art of War nagtudlo nga kun ugaling wala na gyuy kapaingnan mas maayo pa nga himoong makigharong ang mga sakop ngadto sa mga kaaway bisan pa man kun dili sila ingon ana kadaghan.

Kini tungod kay sa panahon sa dakong kalisdanan mahimong ihatag sa hingtungdan ang tanang maayo gikan kaniya. Kini aron lamang siya mabuhi ug maluwas gikan sa bisan unsang kadautan ug mahimong mas maningkamot aron mabuhi ug makalingkawas gikan sa bisan unsang kadautan.

Apan subo palandungon nga dili tanang mga tawo ang dunay kaisog nga magpakabuhi. Ang uban buot lamang moluwat sa kasamtangang nahimutangan tungod kay alang kanila malisud ang pakigharong. Tungod kay alang kanila huyang ra gyud kaayo sila kun itandi sa suliran nga ilang nahiagoman sa kasamtangan. Gumikan niini daghan kanila ang nikutlo mismo sa kaugalingon nilang kinabuhi. Sama pananglit sa nahitabo niadtong batang babaye didto sa Negros nga gumikan sa module siya naghikog.

Sakit palandungon apan maoy tinuod. Dili lang kay siya ang nahimong biktima sa kalala sa depresyon ug sa kawalay paglaum. Daghan kanila ug kanato ang mahimong kandidato usab sa ingon. Subo lang gyud palandongon labina ning panahon sa dakong pandemiya nga bisan gani ang paglingaw sa kaugalingon aron magpabiling hapsay ang hunahuna ug pagbati dii man nuon makatabang. Ambot ba.

Sama sa baha sa niaging adlaw nga mihulga sa dakybayan Sugbo. Ingon ana usab ang suliran mahimong mohulga ug molumos sa atong hustong pangisip diin ang mohulip mao lamang ang kalubog ug kawalay kapaingnan. Apan ato pud untang hinumdoman nga human sa baha moabot ra gyud gihapon adlaw sa paghubas niini.

Daw nitay-og ang kalibotan alang kanako sa mga panghtiabo karon. Apan kinahanglang dili magpadaug dili tungod kay buot nako nga mabuhi pa o mo-survive kondili aron sa ingon pinaagi sa ginagmay apan kinasingkasing pag-abag makahatag kita og paglaum ngadto sa uban nga tingali ning mga higayona ang buot mohunos sa ilang kinabuhi.

Unta the more kitang maningkamot ug manlimbasog labina gyud ning mga higayon nga daghan kaayo ang suliran sa kinabuhi. Angay kitang manlimbasog niini ug angay kitang magmaisog niini. Kay kun buot hunahunaon dili lang kita ang nahitaboan sa ingon. Atong palig-onon pa gyud ang atong pagtuo ngadto sa Dios nga mounong gyud nato sa tanang mga higayon sa atong kinabuhi.

WAR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with