Nanaktak ang kompaniya tungod sa pandemya

Dear Atty. Divine,

Nagtrabaho ko sa  kompaniya sud na sa napulo ka tuig. More on export ang business sa among company. Apan gumikan niining pandemic, apektado kaayo ang negosyo sa kompaniya ug tungod niini kinahanglan silang manaktak og mga trabahante for redundancy daw.  Usa ko sa naapil sa retrenchment nga mo epekto next month. Ang akong pangutana kun unsay dawatonon namo gikan sa kompaniya? Daghang salamat.  —Manuel

Dear Manuel,

Basi sa Art. 298 of the Labor Code, ang kompaniya adunay katungod nga manaktak og trabahante tungod sa pag install og mga labor saving device, o redundancy or kun alkanse na ang kompaniya. Ang mga trabahante nga apektado niini makadawat og separation pay nga one month per year of service, makadawat sab kamo og 13th month pay og service incentive leave. So kun 10 years na ka nga nagtrabaho sa company makadawat ka og good for 10 months nga separation pay plus 13th month pay  karong tuiga ug service incentive leave.  Thanks and God bless. —Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.