Ping-it ang mag-uuma
BALITAHOM - Atty. Jose Marie N. Poblete (Banat) - October 8, 2020 - 12:00am

Matud pa sa usa ka opisyal sa Department of Agriculture, ang presyo sa tipasi (palay) dinhi sa Central Visayas pabilin nga naa sa lig-on ug maayo nga kahimtang. Dili apektado sa importasyon ang kasamtangan nga presyo, kay kanunay nila’ng gibantayan ang lihok niini sa merkado, dugang pa sa opisyal.

Baniog ang reklamo sa mga mag-uuma sa kabarato sa presyo sa ilang produkto apan wala man gihapo’y alibyo sila’ng nasinati. Matud pa bitaw ni Winston Churchill, “Bisan unsa kaanindot sa stratehiya, tan-awa pud usahay ang resulta”. Ping-it gihapon ang mga mag-uuma!

Wala makabatyag

Mipasalig si Presidente Duterte nga gigasto sa tinarong ug inantigo nga paagi ang buhis sa katawhan sa pagbatok sa COVID-19.  Gisalindot sa Presidente ang hugon-hugon nga adunay pagpangawkaw nga nahitabo labi na sa pag-apod-apod sa social amelioration funds.

Apan nasayod kita nga daghan ang gipasakaan og kaso sa DILG tungod sa tinonto sa ayuda. Ang pasalig sa Presidente nga walay kurapsyon sama ra sa argumento nga ang mga isda sa dagat, wala bati-a nga sila nabasâ.  Abi baya nako nga sama sa hangin ang kurapsyon, mahanggab bisan dili makita. Baya no!

Malipay’g pasanginlan

Bisan sa mga pagsaway sa administrasyon sa pagbatok sa pandemiya, padayon nga nakasinati si Presidente Duterte og hataas nga trust rating sumala sa survey sa Pulse Asia sa bulan sa September 2020. Gipasiatab sa uban’g opisyales ang taas nga approval rating sa Presidente kay nakahatag kini kanila ug dugang kadasig pagpangalagad. Nakapahinumdom kanako sa akong amigo nga sa dihang gipangutana kon uyab ba niya ang iyang katapad nga babaye, matinud-anon nga mitubag nga, “Dili Bay, apan malipay na lang ko kon “pasanginlan” nga uyab mi”.  Pagkatoytoy!

Buhat ang pasultihon

Sa susama’ng kalamboan, gitumbok sa kampo ni Bise Presidente Robredo ang pagpakatap sa fake news maoy hinungdan sa ubos nga approval ug trust rating nga naangkon niini.  Dugang pa nila, biktima si Robredo sa pagpunay’g atake sa mga ‘trolls.” Inay basolon ang fake news, angayan usab tingale tun-an sa kampo ni Robredo ang lintunganay sa panultihon, “Dili ang talan-awon ang mahinungdanon, kon dili, unsa ang nakita”.  Matud pa bitaw sa pagya, “Buhat ang pasultihon, dili sulti ang pabuhaton”.  Na hala, trabaho na!

Gigamâ sa bakakon

Gihulagway ni Representative Allan Velasco nga “pagpanamastamas” ang gibuhat ni Speaker Cayetano sa dinali-dali niini nga pagpa-aprobar sa 2021 budget bill ingon man pagsuspenso sa sesyon hangtod sa Nobyembre 16, diin wala na’y mahimong pormal nga turn-over sa pagka-Speaker ngadto kaniya. Wala tingale magiyahe si Kongresman Velasco sa panultihon ni Sophocles nga nag-ingon, “Matam-is ang ganansiya bisan nagagikan kini sa pagpangilad”.  Ni’ng panagbangi sa duha, daw mibarog ang Kongreso sa pundasyon sa mga saad nga gigambalay sa mga bakakon.  Fezteleern!

DEPARTMENT OF AGRICULTURE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with