^

Kagawasan

AMBOT LANG - Gerry Auxilio (Banat) - October 6, 2020 - 12:00am

Ang kagawasan hinatag sa Ginoo kun ibasi nato kini sa Balaang Kasulatan nga imong mabasa sa basahon ni Sirac nga nagkanayon: “Makahukom ka kung magmatinumanon ka ba sa Diyos o dili.”

Ang kagawasan nga gihatag sa Ginoo iyaha kining gibutangan og limitasyon ug ang maong limitasyon imo kining mabasa diha sa napulo ka mga sugo sa Diyos nga iyang gipadala ni Moises.

Dinhi sa kalibotan, ang kagawasan gihatag sa gobiyerno ngadto sa iyang katawhan pinaagi sa balaud. Kining maong kagawasan gibutangan usab og limitasyon.

Ang kagawasan nga gihatag sa Ginoo ug sa gobiyerno pulos adunay limitasyon busa sa tinamban nga pagsabot ang kagawasan dili hingpit.

Si Bise Mayor Mike Rama miawhag ngadto sa pamunoan ni Mayor Edgardo Labella nga palingkawason na ang mga tiguwang ug tugotan na nga makagawas sa ilang mga panimalay kay ubos naman sa modefied general community quarantine ang dakbayan sa Sugbo.

Apan gipapuyo ug wala tugoti ni Mayor Labella ang mga tiguwang nga makagawas sa ilang mga panimalay tungod sa rekomendasyon sa Inter-Agency Task Force (IATF).

Matud sa mayor, ang IATF ang makahatag sa gihangyo sa bise mayor. Nasuta man god sa IATF nga kadaghanan sa mga natakboyan sa COVID-19 ug nangamatay mga tiguwang.

Ang kagawasan dili hingpit. Aduna kini limitasyon sama sa nasulat ko na sa unahan.

Ang kagawasan sa pag gawas sa balay maingon nato nga susama kini sa kagawasan sa pagsuroy nga gilimitahan sa panglawas, kahapsay ug kaluwasan sa publiko.

Ang mga eksperto nga gipaminaw sa mga sakop sa IATF midili sa mga tiguwang sa paggawas sa ilang mga panimalay tungod kay nakita nga sila ang hugpong sa mga tawo nga kasagaran nga naigo sa COVID-19 ug nangamatay.

Ang pagdili gibasi sa siyentipiko nga pagsusi ug pagtuon ug wala lang kini mata-mataha. Busa dili angayang ipamugos sa mga tiguwang ang ilang kagawasan.

GINOO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with