^

Hulat lang usa

SAKSAK SINAGOL - Lucky Malicay (Banat) - October 5, 2020 - 12:00am

Angay na bang tugotan ang atong mga katigulangan sa dakbayan sa Sugbo nga makagawas sa ilang mga pinuy-anan taliwala niining padayong pag-us-os sa gidaghanon sa mga bag-ong kaso sa coronavirus disease o COVID-19 dinhi?

Mao kini ang usa sa mga pangutana nga mitumaw karon nunot usab sa padayong pagpailalum sa dakbayan sa Sugbo sa modified general community quarantine gumikan sa hinayhinay nga paglurang sa kaso sa maong makamatay nga balatian.

Daghan na kuno sa mga senior citizen sa siyudad ang nagpanikad na nga mogawas human sa pipila ka bulan nga pagkabartolina sa ilang mga panimalay sa dihang miarangkada pag-ayo sa nasud ang coronavirus disease.

Si Bise Mayor Michael Rama ang nangusog sa lakang nga tugotan na ang mga senior citizen nga makagawas sa ilang pinuy-anan. Gani, iyang gikuhit ang lokal nga pangagamhanan nga wad-on na ang stay-at-home order sa mga katigulangan ug nga tugotan na silang makagawas sa ilang panimalay.

Hinuon, dili kana mahimo sa lokal nga pangagamhanan. Matud pa ni Mayor Edgardo Labella, bugtong ang Inter-Agency Task Force lamang ang makadesisyon paglibkas sa maong order. Ug kun kanus-a, wala gyuy kasayoran ang mayor.

Apan niining pahanon nga anaa pa nagpahipi sa daplin ang COVID-19, dili pa angayan nga tugotan ang mga senior citizen sa dakbayan nga mogawas na sa ilang mga panimalay. Kini gumikan sa ka delikado pa sa sitwasyon.   

Dili angay nga ahaton ang sitwasyon. Dakong risgo alang sa katigulangan ang paggawas sa ilang panimalay bisan pa sa paglurang na sa mga kaso sa COVID-19, ilabina nga kadaghganan kanila huyang na og immune system.

Maayong mohulat una ang atong mga senior citizens sa tukmang panahon. Wala gyuy mawala nila kun magpabilin una sila sa ilang pinuy-anan ug magpaabot nga mabuntog na ang makamatay nga balatian una pa sila tugotan nga makagawas. Alang kana sa ilang kaayohan  

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with