Kaluha nga isyu
BALITAHOM - Atty. Jose Marie N. Poblete (Banat) - October 4, 2020 - 12:00am

Buot ang Presidente nga tun-an pag-ayo sa Department of Energy ang posibleng pag-abli sa Bataan Nuclear Power Plant sa tuyo nga kini mapahimuslan na. Duha ka isyu ang nakapakgang sa pagbukas ug paggamit sa maong planta: ang kalidad o pagkapulido pagtrabaho niini ug ang isyu sa kurapsyon. Managkaluha ang duha ka isyu.  Matud ang giingon ni Edward Abbey nga, “Kinahanglan ang usa ka bayani sa kanunay andam manalipod sa iyang nasud batok sa iyang kagamhanan”.  Pagka-tulokibon!

Kulang sa “purgas”

Nahingawa ang mga mag-uuma sa bulak sa Baguio City sa desisyon sa kagamhanan nga sirad-an ang mga sementeryo atol sa undas, kay segurado nga mausik ra ang ilang pananom. Tataw ang kakulang sa panglantaw sa gobyerno. Kon gilatid pa lang daan kaniadto ang maong polisiya, dili unta mahinayak pagpananom ang mga mag-uuma. Nakapahinumdom sa estorya sa bisita nga naghiko-hiko pagkaon kay maulaw. Sa dihang motambong na unta siya sa lamesa kay gipugos, misiyagit ang katabang sa kusina sa pag-ingon, “Sir, wala na ra ba’y kan-on”.  Sa kaulaw, nakapamulong ang bisita nga, “Ingon bitaw ko di ko mokaon”.  Kulang sa purgas (forecast) ang gobyerno!

Di mahatud ang summons

Bisan ni’ng panahon sa pandemiya, adunay lima ka tawo nga nadakpan nga nagpaaway ug kakâ didto sa lungsod sa Borbon. Naimbargo sa kapolisan ang 32 ka kakâ nga gibuhian ra usab nila sa managlahi nga lugar aron kuno malikayan ang panag-enkwentro sa usag-usa.  Mora’g makalingkawas ang mga nagpa-away sa kakâ kay wala na ma’y ebidensya batok kanila.  Segurado’ng maglisod na ang mga pulis pagtultol sa mga kakâ aron paghatud sa summons alang unya sa hearing sa kaso.  Fezteleern!

Dili maantigo mobati

Gipanghimakak sa National Food Authority (NFA) ang alegasyon nga wala sila mamalit og mga palay gikan sa mga lokal nga mag-uuma. Apan miangkon usab ang NFA nga kulang sila sa budget ug wala usab sila’y igo nga buwaranan sa palay nga nakaapektar sa ilang kapasidad pagpamalit. Dugang reklamo sa mga mag-uuma mao ang kabarato sa presyo sa palay, butang nga daw wala kabana-a sa kagamhanan. Tinuod gayod nga “Dili ka makapanalipod sa imong kasing-kasing kon ikaw magalihok nga daw wala magbaton niini”. NFA malooy ka, mag-uuma intawon dungga na!

Sama’g wifi ang pagtuo

Posible nga sa unang higayon, walay translacion o pag-prosesyon sa Itom nga Nazareno nga ipahigayon didto sa Quiapo tungod sa pandemic. Sa milyones ka deboto sa Nazareno, subô kini nga kalambuan.  Apan kon hugot ang atong pagsalig, kanunay’ng buhi ang paglaum.  Kay sama sa WIFI, ang pagtoo ug pagsalig, bisan dili tinood nato makita, apan adunay katakus pagdugtong kanato ngadto sa atong gikinahanglan.  Tawo ang magasugyot, Diyos ang magbuot. Salig lang!

DEPARTMENT OF ENERGY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with