Wala mosaler
LINTUNGANAY - Fred Languido (Banat) - October 1, 2020 - 12:00am

Napawong ang tataw nga maniobra ni Kongresista Alan Peter Cayetano aron unta magpabilin sa pwesto isip House Speaker.

Kini human sa tigom uban ni Presidente Rodrigo Duterte niadtong Martes sa gabii.

Nipatigbabaw atol sa tigom ang gentleman’s agreement tali ni Cayetano ug Kongresista Lord Allan Velasco nga unang giduso sa presidente niadtong miaging tuig human sa nahitabong kudeta sa pamunoan ni kanhi speaker Pantaleon Alvarez.

Ang presidente maoy nahimong broker sa kasabotan tali ni Cayetano ug Velasco aron malikayan ang pagkabahinbahin sa ilang mga dumadapig.

Si Cayetano suod ni Duterte samtang si Velasco suod sab sa mga anak sa presidente.

Basi sa agreement unang mosilbi si Cayetano isip House Speaker sulod sa 15 ka buwan ug mobanos si Velasco sulod sa 21 ka buwan.

Sigun sa ilang kasabutan mapupos na ang 15 ka buwan nga turno ni Cayetano niining buwan sa Oktubre.

Apan samtang nagkaduol ang pagbanos ni Velasco, mitumaw  ang mga timailhan nga di na ganahang mokanaog sa pwesto si Cayetano

Iyang giaway si Velasco ug gipasanginlan nga nagtinguha pagpalagpot niya. Dunay manifesto nga gipapirmahan sa mga kongresista pagsuporta sa iyang liderato.

Apan wala mosaler ang kapin sa 200 ka pirma pabor niya, wa nay makapugong sa pagpuli ni Velasco.

Bisan di ko komportable sa pagpanghilabot sa sa presidente pagpili og lider sa Kongreso, apan nakatabang ni aron malikayan ang pagkabahinbahin sa mga sakop sa ubos balay balauranan.

Dili maayo nga magkaguliyang ang mga kongresista samtang nag-atubang ang nasud sa dakong krisis tungod sa COVID-19.

Hinaut lang nga di manggukod si Velasco sa mga kongresista nga namirma sa manifesto nga nagpadayag sa ilang suporta kang Cayetano.

Apan di na ko masurprisa kun sugod karon maglumba ang mga kongresista nga misipsip kang Cayetano pagpangambak tapon sa kampo ni Velasco.

Ug labing siguro matagamtaman ni Cayetano sa dili madugay unsay bation kun talikdan sa imong kauban tungod sa ilang personal nga interes.

Dili na pud ko matingala kun human niini, mamahimo na siyang kritiko sa presidente!

ALAN PETER CAYETANO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with