Salig apan ayaw laum
BALITAHOM - Atty. Jose Marie N. Poblete (Banat) - October 1, 2020 - 12:00am

Gilantaw nga ang hinungdan sa kasagmuyô ni Presidente Duterte batok sa China mao ang walay kasibot sa China pagtuman sa gisaad niini nga mga proyekto’ng infrastruktura.  Sa nangagi, naghiko-hiko ang Presidente pagpatuman sa July 2016 nga hukom sa Hague International Arbitration Court nga naghatag sa Pilipinas og katungod sa bahin sa kadagatan sa West Philippine Sea. Mora’g gisubay sa China ang panultihon ni Napoleon Bonaparte nga, “Kon buot kang magmalumpuson dinhi sa kalibutan, isaad ang tanan, apan ayaw tumana ang bisan usa niini”.  Tukma ang mga titik sa awit: “Gihimo da ang saad, aron lang pakyason”.  Na hala, “Ready, Sing”!

Nag-ilog sa lingkoranan

Namahayag si Sec. Roque nga laraw sa Presidente nga makigtagbo kanila ni Speaker Cayetano ug Marinduque Representative Allan Velasco mahitungod sa pagpatuman sa nasabutan kanhi nga sharing deal sa pagka-Speaker sa Kongreso.  Nalubog ang maong kasabutan tungod kay adunay mga kongresista nga dili buot pulihan si Cayetano isip Speaker.  Wala na’y nahibilin’g “palabra de honor” sa Kongreso. Sakto ang pagya nga nag-ingon, “Ang bugtong higayon nga nagsulti ang politiko sa tinuod mao nga kon tawgon niya nga BAKAKON ang laing politiko”.  Pagkatoytoy!

Senior citizen blues (1)

Adunay bag-ong patakaran ang IATF-Emergency Operations Center (EOC) diin limitahan na pagbalik ang gidaghanon sa customer nga makasulod sa mga tindahan ug supermarket.  Did-an ingon man ang mga senior citizens ug mga menor de edad pagsulod.

Daw nabati nato ang panghayhay sa mga senior citizen nga nagkanayon, “Kapait sa among gidangatan, sa balay kanunay’ng giaway, sa mga mall usab gisalikway. Oh COVID, kanus-a ka pa mopahulay.”  Nahimong balaknon si Lolo tungod sa kalaay!

Senior citizen blues (2)

Sa may kalambigitan’g balita, mipasaka og kaso sa Supreme Court si Atty. Eugenio Insigne aron sa pagpaluwat og Temporary Restraining Order sa tuyo nga did-an ang IATF pagpatuman sa mga lagda sa kwarentinas ngadto sa mga senior citizen.  Kon molampus si Atty. Insigne, daghang mga senior citizens ang magmaya; apan kon dili, aw, padayon gihapon ang ilang pagmikâ.  Adunay panultihon nga “Ang pagka-walay buhat, kalipay sa mga bata apan dakong kasub-anan sa mga edaran”.  Angay sila’ng patalinghugan kay matud pa ra ba ni Sophocles, “ang tawo nga matigulang, mobalik hinoon pagkabata”.  Madahaaan!

Nangilog sa titulo

Segun sa bag-ong survey sa SWS, ang pagtuman sa mga health protocols sama sa pagsul-ob og facemask, pagsige og panghunaw ingon man pag-maintain sa social distancing labaw’ng gitamod sa mga taga-Visayas apan mikunhod kini didto sa Metro Manila.  Sa nangagi, gihinganlan mismo sa Presidente nga gahi og ulo ang mga Bisaya, labi na ang Cebuano.  Ni’ng bag-ong survey sa SWS, mora’g buot ilogon sa taga-Manila ang maong titulo pagka-GAHI’G ULO nga gi-angga kanato sa Presidente.  Di palupig ang taga-Manila!

CHINA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with