Kun ugaling may liboan ako ka kinabuhi
MGA LAMAS SA KINABUHI - Fr. Rey Cui (Banat) - September 29, 2020 - 12:00am

Kini maoy nabungat ni San Lorenzo Ruiz de Manila ang unang Pilipinong Santos sa dihang siya nag-atubang na gyud sa iyang kamatayon.

Ingon ana siya kaisog, ingon ana siya kamatinud-anon sa pagtuo.

Dili lalim ang iyang nahiagoman, dili tiaw ang iyang kalisdanan. Sa dihang gihimo ang kanonisasyon ning maong Santos pinaagi ni San Juan Pablo Segundo ang kanhi santo papa ug karon santos na ang nagkanayon: “Pipila ang gigasahan nga mamatay gumikan sa pagtuo apan daghan ang gitahasan aron puy-an ang pagtuo.” Diin puy-an nato matag adlaw gyud sa atong kinabuhi….

Kay unsa man diay ang pagtuo? Ang pagtuo anaa na sa atong kahiladman mismo. Nagpangita kita og Dios sa atong kinabuhi.

Malisod alang kanato kun wala ang Dios sa atong kinabuhi regardless sa ngalan niya nga atong hisabtan.

Ang pagtuo matud pa sa atong pagtulon-an katilingbanon. Ang Santisima Trinidad ulusahong katilingban sa Amahan, Anak ug Espiritu Santo.

Mao bitaw nga atong pagka simbahan na pattern man sa Santisima Trinidad. Ikaduha, ang atong Pagtuo Misyonaryo.

Dili lamang kini nato tipigan ingon nga mga espesyal nga bahandi kinahanglang ipaambit nato kini ngadto sa uban.

Labaw sa tanan, ang pagtuo kinahanglang atong ipakita sa buhat kay matud pang Santiago nga ang pagtuo nga walay buhat patay.

Si San Lorenzo Ruiz dili pari ni relihiyoso. Apan aduna siyay lig-on nga sukaranan. Sa iyang kabatan-on hangtud na sa iyang paghamtong nahimong sentro ug pryoridad sa iyang kinabuhi ang Dios.

Mao ni hinungdan kun nganong iyang gihatag ang tanan tanan ngadto sa Dios bisan gani ang iyang kinabuhi.

Mahimo unta siyang mabuhi ug mahimo unta niyang likayon ang  maong kamatayon niadtong gutloa kun iya lamang talikdan ang iyang pagtuo apan si San Lorenzo  Ruiz nagpabiling matinud-anon ug tagana sa paghatag sa liboan niya nga kinabuhi kun ugaling anaa siya niini.

Apan lisod na tingali karong mga panahona sanglit kadaghanan nato ang nahimo mang mahadlokon ug malisangon sa mga posibleng mahitabo apan normal lamang kini nga bation sa matag usa kanato kini tungod kay sa kinabuhi nato anaa man ang malisud nga pakigbisog apan kun anaa lang ang pagsalig ang Dios sa kanunay gyud mobulig!

PILIPINO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with