Fit

Kini ang acronym sa wali ni Fr. Junly Cortes atol sa Misa Pasalamat ni Padre Kenneth Ress Cantones Arong sa parokya sa Moalboal.

Samtang akong gipamati ang maong maundanong pamalandong akong nasayran nga ang kahulogan diay sa Fit mao kining mosunod:

Faithfulness kun pagkamatinud-anon diha sa panaad bisan pa man kun wala ang seminary formators nga motan-aw nato.

Kini ang hinungdan kun nganong diha sa faithfulness padayong i-nourish ang pagkamatinud-anon diha sa pag-ampo ug pagmatngon nga dili mahitumpawak sa bisan unsa nga makapalayo kanato gikan sa presensiya sa Dios.  Mao nga ang Physical Fitness importante dili lang alang sa kaugalingon kondili usab sa uban. Sa laing bahin, ang fitness dili lang physical kondili usab spiritual. Kay kun maayo ang kalag mamamahimong maayo usab ang lawas. Integrity diin ang kinabuhi kinahanglang dunay ngipon kaya ng prinsipyo nga gihisgutan mahimong makita ug masinati mismo diha sa kinabuhi sa hingtungdan. Sa laktod we walk the talk matud pa.

Time kun panahon. Ang panahon dili lang alang sa uban kondili alang usab sa kaugalingon kay ang paggahin og igong panahon sa pagpahuway dako man kaayo og kahimoan aron mamahimong mas balanse ang imong pagserbisyo ug napakita mo dakong uyamot ang imong dakong gugma alang sa imong kaugalingon.

Kay malisud ang paghatag og pag-atiman sa uban kun wala kay pag-atiman ug paghigugma sa imong kaugalingon. “Nemo dat quod non habet,” matud pa. “you cannot give what you do not have. “

Ning panahon nato karon malisud ang pagkab-ot og fitness bisan asa sanglit ang kalibotan karon mahilig man sa mas dinalian nga resulta.

Ang maong dinalian nga resulta kun buot hunahunaon magdala man usahay og kalaglagan natong tanan nga ni-advocate niini.

Sa laing bahin, ang pagkahimong fit mao man ang pagdawat sa dakong posibildad nga dili sa tanang panahon mamahimong sayon ang tanan alang kanato busa atong dawaton nga dunay mga butang nga mahimo natong usbon ug dunay mga butang nga mahimo natong mausab.

Ug sa kaulahian makita nato ang kalainan niini ug makatabang kini dako uyamot alang sa paghamtong sa matag usa kanato.

Alang sa mga bag-ong pari, akong panghinaut ug mga pag-ampo nga unta mamahimong magpabilin kamong makanunayon sa kanunay hangtud sa katapusan. Hinaut pa unta.