Gustong ipagamit sa bata ang apelyido sa amahan
Dear Atty. Divine,
Duna koy anak sa akong live- in partner apan ang apelyido nga gigamit sa bata sa iyang birth certificate mao ang akong apelyido og dili ang apelyido sa amahan. Puwede pa ba ni nga mausab ang apelyido sa bata ngadto sa apelyido sa iyang amahan? Daghang salamat. —Giselle
Dear Giselle,
Yes, pwede nimo nga ipasunod ang apelyido sa amahan ngadto sa imong anak. Kinahanglan nga mo i-execute ang amahan sa bata og Affidavit of Acknowledgment of Paternity with Consent to Use the Father's Surname. Kinahanglan usab nga notarized ang maong Affidavit. Human niini, imong isubmit sa Local Civil Registrar diin marehistro ang bata alang sa annotation sa maong Affidavit sa Birth Certificate sa imong anak. Sa higayon nga ma-annotated na ang maong Affidavit mamahimo na ang imong anak nga mogamit sa apelyido sa iyang amahan. Thanks and God bless. —Atty. Divine
* * *
Alang sa inyong pangutana palihug lang sa pag email sa [email protected] og ako kining tubagon pinaagi sa akong clumn matag Miyerkules, Sabado og Domingo.
- Latest
