Dalan sa malipayong kaminyoon
JAV BANATI - Javier Yntig Tapulado (Banat) - September 25, 2020 - 12:00am

Ang kaminyoon, krus. Usa ka misyon, usa ka pagsulay ug usa ka eksam, diin kon makapasar ka, nga mao ang pagkuhag perfect score, makasulod ka sa gingharian sa Diyos ug maangkon ang kalipayng dayon pag-abot sa tukmang higayon nga bawion na Niya ang hinulaman tang kinabuhi.

Nga sa ato pa, ang kaminyoon dili lang krus. Usa sab diay ka langitnong gasa.

Akong kauban kanhi sa trabaho, giyukboan ko kon giunsa niya pagdala ang renda sa iyang pagkahaligi sa pamilya.

Bisan asa siya madestino sa trabaho, gani natuyok na ang Luzon, Visayas ug Mindanao, iya gyong dad-on ang tibuok niyang pamilya. Buwahan, iyang makauban kanunay.

Matud niya, within marriage, bisan kinilo wa gyod siya makatilawg lain. Kay alang niya, usa kini ka dakong sala.

Usa ka dakong pagbudhi, dili lang ngadto sa iyang misis, kondili, lakip na sa Ginoo, kinsa maoy naghatag sa tanang grasya nga ilang nadawat matag adlaw.

Gikan sa usa ka sentabo ngadto sa dagkong kantidad nga iyang kita, gipahibalo kini niya sa tanang miyembro sa pamilya.

Kon unsaon kini paggasto ug pagtago, tanan may katungod sa pagpanggilabot ug pagpakigsabotsabot.

Sa laktod, gimitingan, gihukman sa tibuok pamilya ang mga butang nga maayong paliton ug ang angay likayan.

Pero ubang bana? Unayog kawat ilang kaugalingong suweldo, uy!

Away sa pamilya? Tagsa ra kaayo nila masinati. Kay open book man silang tanan. Kon si misis masuko, alam-alaman dayon sa bana, kinsa maoy mopaubos pirme hangtod nga nakat-on sab sa pagpaubos ug pagkamasinaboton ang asawa ug ilang mga anak.

Resulta? Na-enjoy sa tibuok pamilya ang dili hitupngang kalipay nga maoy bunga sa pagtambayayongay sa banag asawa pagpas-an sa krus nga giisip nilang gasa nga hinatag sa Ginoo.

Ug hangtod karon nga senior citizens na ang magtiayon, sama sa naandan nilang buhaton kanhi sa bag-o pa silang minyo, mosimba gyod sila kada Miyerkules, Biyernes ug Domingo.

Niadtong wala pay COVID-19, usahay magkakita mi sa Redemptorist Church ug sa Basilica Minore del Santo Niño.

Ilang mga anak, kinsa minyo na, sama nila, adunahan na pod. Dili lang, sa mga materyal nga butang. Kondili, hasta na sa mga espirituhanong bahandi. Kaanindot sa dalan nga ilang gisubay. Kapanaminan!

GOD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with