Kompromiso sa kinabuhi
Gisugyot ni kanhi Department of Health Secretary Dr. Jaime Galvez Tan ug mga kaubanan niini sa Concerned Doctors and Citizens of the Philippines ngadto kang Presidente Rodrigo Roa Duterte ang paglibkas na sa mga quarantine protocols lukop nasud tungod ug alang sa ekonomiya.
Gisugyot usab sa grupo ni Dr. Tan ang pagsagop isip nasudnong protocol sa prophylaxis or prevention and early treatment sa COVID-19 isip alternatibo sa community quarantines.
Preventive healthcare o pamaagi nga himuon aron mababagan ang sakit ang buot ipasabot sa prophylaxis.
Aron dali nga makatukod sa ilang mga towers ang mga kompanya sa telekomunikasyon ug matubag ang reklamo sa mga tawo sa hinay nga connection, gihatagan sa gobyerno ang mga kompanya sa telekomunikasyon og tulo ka tuig nga pabor.
Ubos sa Bayanihan to Recover as One Act o Bayanihan 2, giwagtang sa gobyerno ang 29 ngadto 35 ka mga dokumento nga requirements sa pagpabarog og tower gawas lang sa building permit.
Ang mga rekisitos nga giwagtang mao kining mosunod: pagtugot sa mga silingan, Barangay Resolution, Certificate of Non-coverage; Zoning clearance, Height clearance, Radiation evaluation studies, City or Municipal resolution, Occupancy permit, Mayors permit, Memorandum of Agreement with DENR-NIPAS ACT.
Ang una ekonomiya ang mikompromiso sa kinabuhi sa tawo ug ang ikaduha mao ang koneksyon sa komunikasyon.
Maayo kaha ni?
- Latest
