EDITORYAL - Gawasnong media
EDITORYAL - Gawasnong media
Ian B. Melecio (Banat) - September 23, 2020 - 12:00am

Karong semanaha gisaulog sa Cebu media ang Cebu Press Freedom Week 2020. Pagtimaan kini sa deklarasyon sa Martial Law niadtong Septiyembre 21, 1972 sa diktadoryang Marcos.

Daghan sa mga tawo ang hangtud karon padayong nagtuo nga walay kasal-anan ang diktador ug mas daghan kini og nahimong maayo para sa nasud. Tinuod  daghang nahimong maayo si kanhi presidente Ferdinand Marcos, kini sa panahong bag-o pa siyang milingkod.

Apan sa pagdagan sa panahon murag nahubog na siya sa gahom, ilabi na ang iyang mga cronies  nga halos tanang mga dagkong negosyo sila maoy nanag-iya.

Sa dihang wala na ganahi ang katawhan kanila, diha na gideklarar ang Martial Law. Gipahilom ang independenteng mga media outlets samtang gipangusgan ang mga media outlets nga iya o kontrolado sa gobiyerno.

Sugod niadto nagkaanam og hilom ang mga nagkadaiyang pamantalaan , tv stations ug mga radio  nga kritikal sa administrasyong Marcos. Wala nay madungog nga balita bahin sa mga pagpangdagit, pagpatay, ug pagpangabusar sa mga otoridad.

Sagad nga mga gipatay mao kadtong mga tawong kritikal kaayo kang Marcos, mga tawong nitingog batok sa pagpangabusar sa tawhanong katungod. Ang maningog kung dili kamatayon ang padulngan, lutoson tibuok pamilya, organisasyon o kompanya.

Dili mabasol kining uban nga magsige gihapon og insister nga maayo pa sa panahon ni Marcos tungod kay niadtong panahona, pipila lamang ka media outlets (lakip ang The Freeman dinhi sa Sugbo) ang padayong nagmantala ug nagbalita sa mga pagpangabuso sa rehimeng Marcos. Kadaghanan sa nagtingog nga radio, telebisyon ug pamantalaan iya sa gobiyerno o sa mga cronies ni Marcos ug pulos ang mga maayo lamang ug mga bakak maoy ilang gipamalita.

Gani ang martial law maoy gihulagway nga mangitngit nga bahin sa kasaysayan sa Pilipinas. Diha sa kangitngit nahitabo ang mga krimen ug pagpangabuso nga binuhatan sa gobiyerno kaniadto nga nabantang lang sa hayag sa dihang napalagpot kini sa pwesto hasta iyang mga cronies. Karon lahi na ang panahon, maayo unta og panalipdan sa katawhan ang kagawasang naangkon human sa People Power Revolution.

Dili para ni kinsang politikanhong partido kondili para sa kaugmaon sa mosunod nga mga henerasyon.

MEDIA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with