Edukasyon nga tag piso
LABTIK - Alan P. Domingo (Banat) - September 23, 2020 - 12:00am

Taliwala sa pandemiya nga atong nahiaguman nagpadayon gihapon ang tinguha sa mga tinun-an nga makalampos sa pagtuon pinaagi sa blended learning nga gipatuman karon sa Department of Education DepEd.

Adunay kapilian ang mga estudyante, ang modular ug ang online classes nga parehong bag-o alang sa tanan nga nag-atubang og dakong hagit kon unsaon sa pag-adjust.

Sa elementarya ug sekondaya murag okay ra bisan asa niining pamaagi ang ilang pilion, kong dili makasugakod sa oniline classes mahimo man nga modular nalang.

Apan sa mga kolehiyo murag challenging kaayo kay online man tanan. Busa sa mapugos gyud ang mga estudyante sa pagpalit og gadet alang sa ilang online learning.

Kadtong nanimuyo sa sentro dili kaayo maproblema sa signal ma-wifi man o data ang gamiton.

Pero didto sa mga dapit nga nihit kaayo ang signal dako kaayong problema sa mga tinun-an nga makasugakod sa pagpadayon sa ilang online classes.

Niadtong pagbisita nako sa mountain barangay sa Tabunan sa dakbayan sa Sugbo nakita nako ang struggle sa mga estudyante.

Ang piso wifi nga gimontar sa usa ka tindahan maoy ilang tabangan dili lang sa mga tinon-an kon dili sa tanang mga tawo sa lugar kay wala man gyuy signal didto.

Sa piso nga ihulog sa wifi box adunay katumbas nga 10 minutos nga pag gamit o pwede nga 30 pesos sa usa ka adlaw na nga pag gamit.

Ang mga estudyante maglinya intawon sa gawas sa tindahan kay didto man ang kusog nga signal.

Ang problema kong mag-brownout maputol ang signal. Busa magkabuang

ang mga tinun-an adto sa buntod kay mangita og signal sa ilang data.

Ang ingon niini nga sistema kalbaryo sa mga tinun-an ug ginikanan pero andam nilang sagubangon aron dili mabiyaan sa pagkab-ot sa edukasyon baha na kon tag piso ang ilang  edukasyon.

Mas tam-is tagamtamon ang kalampusan luyo sa kalisdanan nga naagian, busa padayon lang pagkab-ot sa gitinguha nga mahayag nga ugma sa higayon nga makalampos na sa pagtunga.

DEPED
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with