Langit ra’y nasayod
BALITAHOM - Atty. Jose Marie N. Poblete (Banat) - September 17, 2020 - 12:00am

Gikahibulong og dako ni Senador Vicente Sotto III ngano nga wala maapil si Health Secretary Duque ingon man si Senior Vice President Rodolfo del Rosario Jr. sa mga girekomendar sa Task Force sa DOJ nga pasakaan og kasong kriminal ug administratiba tungod sa anomaliya sa PhilHealth.  Mipadayag na daan si Presidente Duterte sa iyang padayon nga pagsalig kang Sec. Duque. Adunay panultihon nga “Tawo ang magasugyot, diyos ang magbuot”.  Mipatigbabaw ba kaha ang pagbuot sa mga diyos-diyos sa Malacañang ni’ng higayona? Langit ra’y nasayod!

Tsinelas ang hinungdan

Segun sa balita, usa ka kawatan nagtingkagol karon sa bilanggoan tungod kay nailhan siya nga maoy nagkawat sa cellphone sa iyang silingan.  Nahisama ang kawatan kang Cinderella nga tungod sa pagdali og layas, nabiyaan ang pikas niini nga tsinelas.  Apan inay makakaplag og hinigugma sama kang Cinderella, prisohan hinuon ang iyang gidangatan tungod kay ang nahibilin nga tsinelas mao man hinoon ang hinungdan nga nailhan ang maong kawatan. Sa taga-Surigao pa, “Marajaw pa’y nag-siniké”. Wala’y perpekto nga krimen!

Hashtag #walangpasok

Nag-trending karon sa social media ang hashtag nga “#WalangPasok” gumikan sa mulô sa mga estudyante sa kahinay sa internet.  Samtang kaniadto, ang dakong hinungdan sa pagdeklarar nga walay klase mao ang dautan nga panahon, nadugangan na kini karon sa kahinay sa internet.  Hangyo sa mga estudyante nga ideklarar usab nga walay klase kon mopalyar ang internet labi na gayod kon “magbisgô ang langit”. Matud pa sa akong silingan, “Samot ka bugô akong anak.  Wa gani makat-on sa una nga kauban ang maestra, karon pa nga tua ra si Maam sa ilaha”.  Madahaan!

Hilaw nga guidelines

Namahayag si DILG Sec. Eduardo Año nga ang operational guidelines sa DOTr mahitungod sa bag-ong lagda sa physical distancing sa mga publikong transportasyon wala ikonsulta sa mga eksperto sa panglawas ug wala pa usab aprobahi sa IATF.  Mas pabor si Sec. Año nga dugangan ang mga publikong sakyanan.  Nag-iyahay na usab ang mga opisyal sa paghimo ug polisiya.  Sa kadaghang “kusinero” nga mo-digamo, dili ikahibong nga usahay parat, usahay tab-ang o ba kaha las-ay nga sabaw sa mga polisiya nga gipatuman atol sa pandemic.  Ni’ng higayona, wala pa gani maluto ang guidelines, gihaon na. Pag-chure mo uy!

Anaay kalipay sa pagsupak

Mipagawas og “show cause order” ang Commission on Higher Education ngadto sa mga kadagkoan sa Isabela Colleges, Inc., human masayri nga mipahigayon ang maong tulonghaan og panag-atubangay nga orientation bisan pa man nga gidili kining maong kalihokan.  Kulba-hinam ang mahimong tubag sa mga magtutodlo.  Adunay mga tawo nga nagtoo nga ang pagsupak maghatag kanila’g kalipay.  Ang uban nagtoo usab nga ang pagsupak, ug dili ang pagsunod, maoy tubag niadtong mapalabilabihon nga mga awtoridad.  Atong atangan ang tubag!

VICENTE SOTTO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with