Pagkawalay klaro, delikado!
LABTIK - Alan P. Domingo (Banat) - September 16, 2020 - 12:00am

Wala magkatugma ang lakang karon sa Department of Transportation kon DOTr ug sa ubang mga departamento sa kagamhanan mahitungod sa pag-reduce sa distansya sa mga mosakay sa pampublikong sakyanan.

Gipatuman na kini sa DOTr sukad niadtong Setyembre 14 apan daghan man ang nisupak apil na ang Department of Health ug ang Department of Interior and Local Government DILG ug ubang sector.

Alang sa mga health expert, delikado kaayo kini kay mosamot ang paglipang sa coronavirus kun duol nalang kaayo ang mga pasahero sa usag usa bisan og magsul-ob pa og facemask ug face shield, ilabi na kun lagyo ang padulngan nga segurado gyud nga mopilit ug mokamang ang mga kagaw.

Bisan og giingong na-flattened na ang curve sa COVID-19 apan naghuwat lang kini og higayon nga subling mobawod sama sa dagat. Nihunas lang una ang COVID-19 apan kon dili mapatuman ang health protocol seguro inig taub niini dili lang bawod kon dili tsunami ang pagtaas sa kaso. Simbako lang!

Moingon ang DOTr nga dili sa mga public transportation naggikan ang transmission. 

Giunsa man nila og seguro? Tanang mga dapit nga adunay daghang tawo aduna gyuy daghang kagaw.

Aron ma-accommodate ang mga pasahero maong gi-reduced ang distansya, murag simang man kaayo, mas maayo seguro nga dugangan nalang nila og biyahe sa mga bus ug tugotan na ang mga puj aron daghan na usab ang masakyan sa mga tawo.

Susama ra sa marka bahala kining maong lakang nga ang masakripisyo dili lang ang mga pasahero. Kitang tanan ang mabutang sa peligro tungod sa katakos sa virus nga molipang ug motakod sa daghang mga tawo.

Kong ingon naman lang niini, mas maayo nga ibalik nalang sa naandan nga magsikit nalang ang mga pasahero sama kaniadto, ug ang kadtong mga lig-ong og resistensya mao ray mahabilin kong sa tinagalog pa "matira ang matibay"

Gisirad-an man gani ang mga menteryo panahon sa kalagkalag, ipasikit na hinuon og balik ang mga pasahero.

Gipatuman na sa DOTr ang lakang nga wala seguroy pagpahibawo sa mga kaubang ahensiya, unta magsabot sila ilabi na niini nga isyu kay sila ang mauwawan.

DOTR
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with