^

Banat Opinyon

Ang upat ka mga kamatuoran matud ni Buddha

MGA LAMAS SA KINABUHI - Fr. Rey Cui - Banat

Si Buddha kun ang linamdagan nagtudlo kanato ning upat ka mga Kamatuoran.

1. ANAA ANG PAG-ANTOS. Ania ang mga nagkadaiyang dagway sa pag-antos:

A. Kamatayon. Kamatuoran nga gikahadlokan sa tanan kun ang atong mga mahal sa kinabuhi mamatay mag-antos ta. Kun ang atong pinalanggang iro o pets mamatay mag-antos pud ta.

B. Sakit. Tungod ning COVID-19 pandemic daghan nato ang nag-antos ug nabalaka kun unsa kahay atong dangatan.

Mga kabalaka nga naglangkob usab sa mga isyu kalabot sa ekonomiya.

Mga kabalaka nga nakapaantos kanato ug gani naghatud kanato sa walay hinungdang insomia.

C. Panagbulag. Nagtuo man gud ta nga permanente ang tanan mao nga sa matag higayon nga dunay panagbulag nga mahitabo masinati gyud dayon nato ang tumang pag-antos.

2. ADUNAY HINUNGDAN ANG PAG-ANTOS.

Ang tawo nag-antos gumikan sa naghinobrang pagtuo sa kaugalingon o nga dunay kaugalingon. Kun nagtuo ta nga dunay kaugalingon ang mahitabo nato mao nga magpunay na lamang kita og pakigbisog dili alang sa uban kondili alang sa atong kaugalingon. Sa matag higayon nga mapakyas kita sinugdanan kini sa atong pag-antos.

3. MAHANAW ANG PAG-ANTOS.

Kun magsugod man gani ni mahimo pud kining mahanaw kay sama sa ubang sakit may kaugalingon usab kining tambal. Ang mahinungdanon mao nga nahimo kang andam ug tagana dili sa pagsumpo niini kondili sa paghangop niini ingon nga kabahin sa atong kinabuhi. Anaa gyud ang pag-antos mosugot kita o sa dili.

4. KINABUHI SA BALANSE TAMBAL SA PAG-ANTOS

Bisan unsa nga sobra makadaut gyud.

Bisan unsa nga kuwang dili pud maayo. Kinahanglang moderate o balanse ra gyud ang tanan aron sa ingon dili kita mag-antos.

Apan lang kanatong mga Kristiyanos ang pag-antos usahay nahimong purga alang kanato ug paagi sa pagpitol sa atong kamapahitas-on.

BUDDHA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with